morietur. Quod si Saturnus fuerit abscisor et nocens alteri luminarium, ut predictum est, in ascendente, et cum hoc Mercurius ex ascendente in signo aliquo figure serpentum vel animalium silvestrium participationem habuerit cum Saturno, aut etiam si ipse Saturnus fuerit in talibus signis, erit mors nati propter percussionem reptilium venenosorum. Quod si Venus adhuc cum eisdem extiterit aut participationem habuerit, potu mortifero fraude mulierum attributo morietur. Quod si Saturnus in Virgine vel in Piscibus aut in signis humidis fuerit dum ipse ascisor fuerit et cum Luna in figura participationem habuerit et eam infortunaverit in predictis locis, erit mors propter submersionem in aqua. Et si fuerit Saturnus dum fuerit abscisor in aliquo signorum solstitialium vel in signis quadrupedibus cum Sole vel in oppositione Martis vice Solis, ruine casu perimetur. Quando vero Saturnus dum fuerit abscisor Solem damnaverit et fuerit in decima domo vel quarta, erit mors nati propter casum eius ab alto. Et he sunt mortes grandes et male quas significat Saturnus dum fuerit abscisor damnans alterum luminarium vel ambo simul. Mars autem cum in quarto seu opposito Solis vel Lune fuerit et ipse fuerit abscisor yleg et in suo alaiz contrario, si in humane forme signis rotaverit, per guerras et alterationes inter suos consanguineos contingentes seu bellando peribit vel sibi manu propria causa mulierum mortem inferet aut mulierum manibus interficietur, precipue si Venus Martem aspexerit. Quod si Marti Mercurius in figura associetur et Mars fuerit abscisor et damnaverit alterum luminarium, latronum et piratarum insidiatorumve manibus per mare vel terram in itinere morietur, per mare quidem si signum eius fuerit aquaticum, vel per terram si terreum fuerit. Quod si Mars fuerit abscisor et damnaverit aliquod ex luminaribus et cum hoc fuerit Mars in signis partitis que non sunt completarum figurarum, ut in in] followed by a blank space G aut cum capite algol, erit mors nati per abscisionem capitis vel membrorum. Et si in Scorpione vel Tauro fuerit, combustione aut perforatione membrorum vel inscisione vel spasmo vite terminos transibit. At si in celi medio vel in quarta domo permanserit, in cruce suspendetur, maxime autem si cum Ficare seu Cayfere aut cum Andromade fuerit ibidem. Et si in signo fuerit occidentis vel in ascendente locum habuerit, vivus igne cremabitur. Et si in signis quadrupedibus extiterit, cadendo conteretur. Sed in his omnibus intellige si Mars fuerit abscisor et damnaverit aliquod ex luminaribus, quod si Marti Iupiter infortunatus testificetur, ira potestatis vel regis et propter iustitiam exemplatatm et divulgatam mortis subibit iudicium. Et semper quando fortune testificabuntur, significat quod natus erit cum aliqua iustitia et rectitudine ad mortem iudicatus, si supple Mars fuerit abscisor et damnaverit aliquod luminarium in nativitate et cum hoc ei testificetur Iupiter infortunatus. Sed quamvis infortune fuerint abscisores et non damnaverint aliquod luminarium in nativitate, mors non erit cum tanta pena. Quod si utreque infortune iungantur vel altera alteri opponatur ita quod ambe abscindant et ambe vel una earum sit mortis occasio in dando malam, malam mortem precipue iuvabunt. Dominus autem qualitatis mortis est ipse dominus loci interficientis, id est dominus gradus interficientis. Cumque planete locorum interficientum dominatores, id est dominus mortis vel abscisor, in locis declinantibus 〈†…†〉, †…†] uncertain comment of one word add. i. m. G id est in locis itinerum que sunt domus cadentes, ut alibi dicitur, et maxime si Luna fuerit in predictis locis vel in quarto aut opposito eorundem locorum, natus inter alienigenas iuri mortis obediet.
Cum Mars coniunctus fuerit domino ascendentis corporaliter in Leone et non fuerit Marti in ascendente aliqua dignitas nec fuerit in octava fortuna, natus ille cremabitur vel patietur aliquod impedimentum ex igne, Ptholomeus in Centiloquio, verbo 75. Idem verbo 76o: Cum fuerit Saturnus in medio celi et luminare temporis in eius opposito, id est in quarta domo, et cum quartum signum siccum fuerit, morietur natus ex ruina vel ex rebus ponderosis super ipsum cadentibus, et si humidum fuerit, submergetur. Quod si signum quartum fuerit in forma hominum, strangulabetur strangulabetur] sic for strangulabitur G vel baculis cesus morietur, nisi fortuna fuerit in octava, tunc enim fient que dicta sunt, sed non morietur.
Leupoldus in capitulo in fine posui et cetera: Pro morte nati aspice octavam et dominum eius, et partem mortis et dominum eius, et almutam super hec loca, et planetam qui est ibi. Si itaque Luna vel almuta fuerit impedita in offulto vel in serpentario vel in loco serpentis qui dicitur audax aut serpentis qui est apud Capud Draconis in Scorpione, morietur natus per morsum serpentis aut a venenato aut aliter per venenum. Si fuerit impedita in loco vulturis, in morte non sepelietur, sed comedunt ipsum aves. Si fuerit impedita in loco Arietis vel Tauri vel Leonis vel Capricorni, interficietur ab animali. Item si participati fuerint in loco mortis nati Sol vel Luna vel Iupiter et post hoc impediti a malis, significant pessimam mortem. Et si oppositi fuerint ibi, erit mors per manum divitis. Item significatores mortis impediti super terram, significant suspendi vel crucifigi, si sunt sub terra, obrui aut naufragio perire. Quia iuncta Sol in uno signo vel quadrato aspectu Martis vel secum in eodem signo, facit natum comburi igne. Et significatror mortis et almuta super eum si est impeditus in signis terreis, morietur natus ex casu alicuius rei super eum, in igneis per ignem, in aereis per patibulum vel manibus hominum, in aquaticis submersione et erit cibus piscium. Cum fuerit Mars almuta ascendentis et non fuerit cum benivolis, natus tunc comburetur.
Guido Bonatus tractatu 5, consideratione 114 ait: Si dominus octave domus fuerit fortuna fueritque in secundo et fortunatus, natus lucrabitur de bonis mortuorum acquisitis, et precipue si habuerit in secundo dignitatem. Si autem fuerit malus, significat diminutionem substantie, nisi habuerit ibi dignitatem, quod si sic et fuerit alias bene dispositus, parum vel nichil nocebit. Idem ibidem consideratione 120: Vide cuius domus sit dominus planeta existens in septima ex subsequentibus, scilicet tertie, quarte, quinte, sexte, none, decime, undecime vel duodecime, quia inimicitia nati erit ex parte significatorum talis domus, quoniam si planeta existens in septima fuerit dominus tertie domus, fratres nati inimicabuntur nato, si quarte, pater inimicabitur ei et cetera. Idem consideratione 92: Aspice in nativitatibus vel questionibus de morte si dominus domus mortis sive significator mortis vel dominus domus in qua fuerit ipse dominus mortis iverit ad significatorem nati seu querentis vel ipse ad eum, quia ille planeta sic dispositus sit fortuna vel infortuna, efficitur interfector nati seu querentis, etiam si interveniat receptio vel non. Idem consideratione 132: Si fuerit Mars coporaliter iunctus domino ascendentis in Leone nec fuerit Marti dignitas in ascendente et cetera, ut supra auctoritate Ptholomei habetur.