De lucro, prosperitate et divitiis nati in secunda domo

Ptholomeus tractatu quarto sui Quadripartiti, capitulo primo dicit quod prosperitas, divitie et lucra nati sciuntur ex statu planetarum gubernantium partem fortune. Nam cum predicti gubernatores fortes extiterunt et fortunati respectu mundi, Solis et nativitatis, erit natus multarum divitiarum, maxime si duo luminaria predictos gubernatores predictos gubernatores] corr. ex predictis gubernatoribus G testificentur bono aspectu. Et cum hoc etiam aspiciendum est ad planetas, eandem partem et suos gubernatores aspicientes. Quod si eandem partem et suos gubernatores aspiciant planete fortune vel fortunati bono et laudabili aspectu vel etiam ipsa luminaria, scilicet sextili vel trino, et cum hoc aspicientes fuerint fortes respectu mundi et nativitatis, significabunt quod divitie et lucra nati et eius substantie erunt multo maiores et valde magne. Et ex hoc sequitur quod si gubernator partis fortune fuerit debilis vel aspectus ab infortunis male dispositis et inimico aspectu, natus erit paucarum divitiarum. Et si virtus ipsius gubernatoris fuerit damnata sub radiis et cadens sub terra, natus nullas habebit divitias. Et si cum hoc statu non testificentur ibi luminaria, erit natus pauper omnium rerum valde. Et si he res mediocres fuerint inter fortitudinem et debilitatem, erunt eiusdem maneriei nati divitie. Et sic convenit ut iudicetur quantitas divitiarum nati per posse gubernatoris et aspicientium vel per debilitatem eorundem et a testimonio luminarium accordato vel discordato. Et hec lucra seu divitie erunt secundum naturam gubernantis.

Nam Saturnus dat divitias et lucra ex ex] followed by a crossed out word de G terris et agriculturis, edificationibus, aqueductibus vel navigationibus per mare, vel ex officiis, vel ministeriis, aut rebus sui generis et sue nature secundum dominosos status hominum, ex magnis laboribus, et antiquis proventibus et plantationibus. Et hoc etiam secundum naturam domus in qua fuerit et secundum naturam domorum in quibus fuerint sua signa et etiam secundum naturam aspicientium eum in his tamen distinguendum est. Quoniam si Saturnus fuerit in signo terreo, tunc divitie erunt ex laboribus terrarum, si in signo aqueo, ex laboribus maris et aquarum, si in igneo, ex laboribus ignis, si in signo aereo, ex mineris et lapidibus preciosis. Et sic etiam intelligendum est in reliquis planetis. Iupiter vero dat divitias cum minori pena et labore, ex commendationibus scilicet, vel ex baiula, ex officiis iustite, aut ex bonis ecclesiasticis, ex artibus vel magisteriis, aut propter eius bonam famam, probitatem et laudem. Mars dat divitias ex exercituum dominio, vel ex officiis respicientibus ad arma et res bellicas et dominationes, vel ex servitiis nobilium, ex practica medicine, et ex similibus rebus sue nature convenientibus, quas require supra folio quarto. Sol dat divitias ex parte regiminis regum vel principum aut nobilium, aut ex rebus sue nature. Venus dat divitias ex mulieribus, matrimoniis, ex donationibus amicorum et sociorum, et ex rebus supra quas Venus influit. Mercurius autem dat divitias et lucra ac questus ex mercationis industria, ex scientiis, subtilitatibus, practicis, placitationibus, adnotationibus, cautelis et consimilibus. Luna vero dat lucra, divitias et questus secundum planetam, domum et signum cum quibus habet convenientiam in figura. Et de se dat lucra et divitias ex parte legationum, matrimonii, negotiationis, et per res communes que venduntur et emuntur aut transportantur, et ex officiis habitis, ex parte aliquorum nobilium, et secundum domus et loca in quibus fuerit vel prefueret.

Quod si Saturnus proprie parti fortune vel substantie dominetur et associetur Iovi, significabit hereditates quas natus hereditatbit et bona mortuorum, maxime autem cum in altis angulis fuerit vel in signo communi Iupiter extiterit aut cum Luna iterum ictisal habuerit. Tunc enim significabit quod natus lucrabitur et extraneorum hereditatem hereditabit.

Et si planete qui sunt de hayz planetarum gubernatorum partis fortune se testificabunt eis, erunt divitie ille nati durabiles et custodite nec mutabuntur. Et si planete existentes de converso hayz elevati fuerint super loca principalia radicis, que sunt locus Solis, locus Lune, ascendens et locus partis fortune, vel ad eadem loca ascenderint et sequantur, ea raptu scilicet firmamenti, significant divitiarum et substantie amissionem.

Et tempus generaliter generaliter] corr. ex †q…† G in quo hec evenient, id est quando divitie lucrabuntur vel perdentur, potest sciri a statu planetarum qui futuri sunt occasio ad angulos vel ad succendentes angulorum, 〈id est secundum distantiam eorum ab angulis vel succedentibus〉. id … succedentibus] add. i. m. G Nam planete festini motus et qui sunt orientales a Sole et illi qui sunt in medietate orientali celi, 〈id est in parte figure ascendente〉, id est in parte figure ascendente] add. i. m. G et similia, significant quod tempus rei erit citius. Et planete qui sunt tardi motus et occidentales a Sole et in medietate occidentali celi, 〈id est in parte figure ascendente〉, id est in parte figure ascendente] add. i. m. G et similia, significant quod res acciderit tarde et prolongabitur.

Ptholomeus in Centiloquio, verbo 18: Cum fuerint luminaria in eodem minuto fuerintque fortune in ipso gradu ascendete, erit fortuna nati in acquisitione substantie. Et similiter si fuerit Luna in minuto oppositionis Solis et fortuna in gradu septime domus ab ascendente. Econverso erit, si in eisdem gradibus fuerit infortuna.

Item Leupoldus capitulo de secunda domo: Si dominus ascendentis et Luna sunt in angulis et uterque iungitur planetis in angulis vel dominis angulorum vel si iunguntur domino ascendentis luminaria et dominis angulorum et si sit dominus ascendentis receptus in angulo, qui nascitur altus erit et sic permanebit. Si econtra fuerit, nascitur miser et sic permanet. Si dominus ascendentis et Luna et Sol et domini angulorum sunt in angulis et iunguntur planetis cadentibus et planetis malis et mali sunt domini dominorum cadentium, natus altus nascitur, sed in miseriam redigetur et quandoque in servitutem. Si dominus ascendentis et Sol et Luna cadentes fuerint vel in descensionibus suis et iuncti fuerint fortunis in angulis aut malis qui eos recipient in angulis et ipsi sunt domini angulorum, nascitur miser et efficietur altus. Luna cum nulli iungitur et a nullo separatur, natus tunc erit excitatio deserti. Dominus ascendentis, dominus undecime, Luna et pars fortune circumdati a fortunis fortunant multum. Sol in medio celi in igneo et Luna in trino eius aspectu fortunat multum. Thezaurizabit in cuius nativitate idem planeta, est dominus primi et quarti. Splendide vivet in cuius nativitate idem planeta, est dominus decime et prime.

Item Bonatus Bonatus] corr. ex †…† G tractatu 〈suo de nativitatibus in de secunda domo, capitulo octavo dicit: Si dominus ascendentis applicuerit luminaribus vel ipsa illi, fueritque Sol tunc tunc] add. sup. lin. G in Ariete vel Leone et Luna in Tauro vel Cancro, vel si ipse dominus ascendentis tunc fuerit in domo vel exaltatione sua, vel si aliquis eorum fuerit tempore applicationis in duabus de suis minoribus dignitatibus, significat fortunam atque prosperitatem nati cunctis temporibus vite sue, nisi domini triplicitatis domus substantie contra operentur. Nam si illi fuerint impediti, erit huic aliquid infra hoc. Idem dicit consideratione 121: Si in nativitatibus vel questionibus Luna sit in octava domo et dominus ascendentis in ascendetis vel secunda aut duodecima domo retrogradus, natus vel querens numquam habebit fortunam in ludis capillorum.

Item Hermes in Centiloquio suo, verbo 55: Res paterna transit in filium dum Saturnus fuerit fortunatus et ex dilectione aspexerit dominum ascendentis, et hoc precipue si Saturnus fuerit dominus quarte domus〉. suo de nativitatibus … domus] add. i. m. G