Inter quos minor angulus est DBZ angulo BZD, reliquus igitur angulus ABZ multo maior est angulo AZB. Quare et latus AZ latere AB (hoc est, AE) maior est. Invenitur autem ex computationibus recta subtendens unam et semissem partis, partium 1 34′ 15′′ proxime, talium qualium diameter est 120; subtendens vero semissem cum quadrante, earundem 0 partium 47′ 8′′ proxime. Hoc modo: sit enim per idem theorema, ex recta subtendente circumferentiam XII partium inventa, ut diximus, recta subtendens circumferentiam VI partium et recta subtendens circumferentiam III partium. Et sit recta subtendens circumferentiam III partium, ut in canone posita est, partium 3 8′ 28′′. Invenienda est nobis per computationes recta subtendens unam et semissem partis, quae sit, ut ipse posuit, 1 partis 34′ 15′′. Supponatur itaque circumferentia BGD III partium, et recta subtendens ipsam 3° 8′ 28′′. Erit igitur AB recta subtendens reliquas CLXXVII partes ad dimidiatum circulum, sumpta ut expositio canonis comprehendit, 119° 57′ 32′′ (hoc est, recta AE), et reliqua rursus EG erit 0 partis 2′ 28′′. Et vero eius dimidia est 0 partis 1′ 14′′. Est vero AG diameter 120 partium. Locus igitur sub AG GZ, hac est qui sub DG congregabitur, partium 2 28′. Igitur DG erit longitudine 1 partis 34′ 15′′, inventa secundum priorem methodum. Ita si descripsero superficiem quadratam, minus quadratum ex ea aufero, cuius latus est 1 partis, et quadratum similiter unius partis.

Hic enim numerus est proxime minor quadrato numero cuius quaeritur latus quadratam, et aufero partem ex 2 partibus et 28′. Reliquam partem resolvo in 60 sexagesimas primas, quibus etiam addo 28′; fiunt pariter 88′, quas divido per duplum unius partis (hoc est, per 2 partes). Et fit divisio per 34′, quia quia] corr. ex quis M bis sumptae fiunt 68′, quibus ablatis ex 88′, relinquuntur sexagesimae primae 20′, quas