tractatu tertio, capitulo 11 ex quatuor dinoscuntur: Primo ex natura propria signi ascendentis, ascendentis] followed by a crossed out word 2 G ex natura dispositorum ipsius signi ascendentis, secundo ex natura planetarum in ascendente existentium, tertio ex loco Lune et ex natura dispositorum, et quarto ex natura planete cui Luna applicat secundum Haly in commento eiusdem textus, ac ex commixtione ipsorum adinvicem, nec non ex figura stellarum fixarum cum eis ascendentium. Quas autem formas, figuras et complexiones generaliter quodlibet signum nato attribuat, habes supra folio primo. In formis vero, figuris et complexionibus nato ex parte planetarum prefatorum locorum dispositorum addicits per subsequentia subsequentia] followed by a crossed out word †p…bunt† G perpendi habent.

Saturnus cum fuerit solus dispositor predictorum locorum et fuerit orientalis, erit natus in colore mellinus, fuscus, seu medicoris †…†, †…†] one word that cannot be read G album et nigrum, mediocrisque crassitudinis, pili eius erunt nigri capillique capitis crispi pectorisque pili spissi, oculi mediocres, corpus eius erit temperate magnitudinis, et in eius complexione vincet frigiditas et humiditas. Quod si fuerit bene dispositus, natus erit dure complexionis, rudis, robustus, fortis, indecenter pilosus, cum labiis grossis, manibus magnis et duris, recte stature, simplex, nec curabit de ornamentis vel cerimoniis, magnus commestor erit diligens gustus acetosos, ponticos et insipidos ac cibos grossos, et gressus eius seu gestus sunt rusticales et feroces. Et Saturno existente male disposito, erit in predictis indecentior et enormior, et aliqui talium sunt naturaliter sordidi in vestitu et victu. Cumque Saturnus fuerit occidentalis, erit natus subniger, macilentus, deformis, parvi corporis, planos et raros habens capillos, parvos oculos nigros et concavos, apte tamen coadunationis, et in ipsius complexione vincet siccitas.

Cum autem Iupiter dominus dispositionis locorum predictorum solus fuerit et orientalis, erit natus albi coloris, et convenientis mediocrisque capillature, oculi eius mediocres, apte stature quantitatisque moderate, crura habebit satis spissa, supercilia flava, carnes eius molles erunt, phisionomiam habebit honorabilem, gestus sui sunt pacifici, honesti et sollatiosi, diliget vestes honorabiles et clericales, et in eius complexione prevalebunt calor et humiditas. Et multi tales frequenter efficiuntur pingues, habent magnas venas, magnum eparem et multum sanguinem. Si autem Iupiter fuerit occidentalis, natus non erit tante albedinis ut supra, erunt etiam illius capilli plani, et ex anteriori parte capitis efficietur calvus, oculi mediocres, et ipse corporis mediocris, et in complexione eius vincet humiditas.

Mars autem cum solus fuerit dispositor predictorum locorum et ipse orientalis fuerit, facit natum colericum, calidum et siccum, brevis stature, coloris mixti ex albedine et rubedine, moderate quantitatis corporis et ydonee carneitatis, oculi eius varii, capilli spissi, crispi seu rufi tendentes ad rubedinem, et manus et pedes erunt sufficientis grossitiei, spatulas habebit magnas, sed corpus aliqualiter curvum vel non tam rectum in omnibus membris sicut conveniret. Et plures tales habent lentigines in corpore vel facie et habent anhelitum fortem, maxime si Mars fuerit male dispositus vel impeditus, et in ipsius complexione vincent calor et siccitas. Et si Mars fuerit occidentalis, natus tantum rubei caloris caloris] sic for coloris G erit, et moderate quantitais corporis, parvos habens oculos, et raros ac planos capillos et flavos, vox eius est aliqualiter rauca et loquacula impetuosa, gestus superbi, levis incessus, iracundus et crudelis, magniloquus et iuvans erit, diligit sapores acutos acutos] sic for acutas G et salsas, lites et excessus, et vincet in ei†us† complexione siccitas.

Sol facit natum carnosum, vul†…† faciei magnorum oculorum habens colorem album cum quadam rugositate, bene barbatum, longos habens crines, corpus eius est mediocris et decentis stature, dat vocem mediocrem et loquaculam mundam, honesto modo loquitur et incedit. Et aliqui habent colorem faciei tendentem ad croceitatem et oculos similiter, capillos aliqualiter crispos, diligunt saporem aliqualiter acutum. Multi autem natorum Solis et Lune patiuntur in oculis cursum aliquem vel temeritatem visus. Frequentius etiam dat Sol nato naturam et mores, figuram etiam et formam secundum naturam planete commixti cum eo per aspectum vel per coniunctionem.

Venus cum fuerit dominus vel dispositor locorum predictorum, facit natum speciosum et pulcrum, sed pulcritudo eius a pulcritudine Iovis vel Solis sic differt quia pulcritudo Iovis vel Solis est cum carnositate, vena et plenitudine sanguinis, cum conveniente decentia vel corpulentia in magnitudine. Sed Venus super hec addit amabilitatem et gratiositatem attrahentem viros si sit mulier vel mulieres si sit vir. Et Venus dat colorem album interdum mixtum aliquali nigredine, oculos amabiles, pulcros et attractivos, stature erit recte et pulcri et bene proportionati corporis. Mulieribus vero dat ventrem rotundum, capillos multos et pulcros, faciem †…†, †…†] one word that cannot be read G et alique habent labium superius minus inferioris, dulces voces, incessus temperatos cum speciositate. Nati Veneris semper diligunt esse mundi, speculari, facies ornare, habere omnem ornatum pulcre facture, et portare serum vel odoriferas, et omnia delectabilia appetunt.

Cum autem Mercurius fuerit dispositor predictorum locorum et ipse fuerit orientalis, facit natum coloris mixti inter album et nigrum, moderate stature, gracilis et rare barbe, parvorum et pulcrorum oculorum, apte coadunationis, capillos habens mediocres, et in illius complexione calor prevalebit. Sed si occidentalis fuerit, erit natus subnigredinis croceique coloris participans, macilentus, vocem habens exilem, et cavos orbes, erit etiam ipsorum oculorum pupilla velut pupilla oculi caprini declinans rubedini, et in ipius complexione prevalebit siccitas.