ac eorum expositionibus versabitur, et in dando et recipiendo se intromittet. Quod si Saturnus Mercurii testificetur, erit alienarum rerum dispositor, et somniorum interpres, vel in domibus Dei occasione alicuius notitie seu divinationis que in eo erit commorabitur. Intellige quod si Saturnus fuerit dominus magisterii vel officii et habuerit concordantiam cum Mercurio vel si Mercurius fuerit dominus officii et habuerit concordantiam cum Saturno. Quod si Iupiter Mercuriuo testificetur, modo scilicet predicto, erit natus auctor legis et sapiens et cum probis hominibus conversabitur. Quod si auctoritas operis et magisterii Veneris fuerit solus, solus] probably corr. ex sola G magisterium nati erit in rebus pulcris, pictatis et habentibus bonum odorem ut specierum vel ex his que ad ornatum pertinent. Et si fuerit in suismet dignitatibus, significabit pannos vendere pretiatos, vel intromittet se de venditione vinorum vel specierum ac florum odoriferum ac medicaminum vel pigmentorum, vel erit pictor vel seritextor. Et si in dignitatibus Solis fuerit, vendet lapides pretiosos, annulos aut pannos deauratos. Si in dignitatibus Lune fuerit, erit venditor pannorum pertinentium ad reginas et nobiles mulieres et bagarum. Et si in dignitatibus Iovis fuerit, erit physicus. Et si in dignitatibus Martis fuerit, erit apothecarius. Et si in dignitatibus Saturni fuerit, erit textor et pannorum pictator non pretiatorum. Et si in dignitatibus Mercurii fuerit, erit pictor aut viellator et similia exercens. Et hec applica etiam ceteros ceteros] sic for ceteris G significatoribus magisteriorum, unam scilicet naturam cum alia componendo. Quod si Saturnus verum testificetur, erit eius mercatio in superfluitatibus et mollitiis, eritque deceptor et nigromanticus et his similia exercens, presertim si Saturnus fuerit in malo statu. Quod si ei testificetur Iupiter, erit luctator et coronarum compositor, erit etiam aptus divitiis, et ei affluent divitie mulierum occasione. At si Mars Soli in figura associetur, eius opus et magisterium ex igne erit, velut opus coqui, conflatorisque metallorum, necnon opus eraminis ac minerarum et auri. Quod si Mars Soli non associetur, sed ipse magisterii dominus fuerit per se, tunc nati magisterium per ferrum tractabitur, ut sunt naves componere, arare, architectari, lapides abscindere, in annulorum lapidibus sigilla sculpere, arbores findere et his similia. Si Saturnus Marti testificetur, erit navigator et natator, aquarum allator, seu cocus, pictor etiam, et qui in balneis morabitur. Sed si Iupiter Marti testificetur, erit miles, et penarum minister, vel sergentus, ac decimator, hospitator, vel carnifer, degulator animalium, vel pedagerius pontium vel viarum. Quod si duo planete magisterii simul dominium habuerint fuerintque Venus et Mercurius, exercebit se in musica vel ludis aut in incantationibus seu cantationum inventionibus vel in qualibet spem reperiendi cantus, maxime autem cum in sua commutabuntur loca, id est quod Venus fuerit in dignitatibus Mercurii et Mercurius in dignitatibus Veneri, tunc erit natus iocultator, factor truffarum, venditor servarum ioculatricium, factor etiam instrumentorum delectabilium, tortor coradrum pro eisdem instrumentis, pictor, psallator, textor et compositor cantionum. Quod si Saturnus eis testificetur, erit eius opus et magisterium in mercationibus predictorum et vendet ea quibus mulieres adornantur. Si Iupiter autem eis testificetur, erit placitator, et computator, et erit semper in locis congregationis hominum, et circa regias portas commorabitur, docebitque pueros, et in rebus vulgi sollicitabitur. At si operis ac magisterii dominium Mars et Mercurius simul habuerint, erit doctus in compositione ymaginum et armorum, eritque sculptor in rebus quibus divine domus utunur, et animalium ymagines faciet, eritque luctator, medicus, cyrurgicus, maleficus, fornicator, et cartarum falsificator. Sed si Saturnus eis testificetur, erit natus interfector, et aliorum vestimenta diripiet, eritque viarum abscisor, in cavernis morabitur, et erit deceptor. Quod si Iupiter eis testificetur, arma duellaque diliget, erit etiam rector, et procurator, ac versipellis, opera diliget, et circa extraneos sollicitabitur, et ex humori lucrabitur. Item si domini dispositionis operis fuerint Venus et Mars simul vel unus eorum et alter alterum aspexerit, natus erit tinctor, et specierum venditor, aurique et argenti ac plumbi magister, erit agricola, et cum armis iocabitur, ac medicamina conficiet, et erit medicus. Et si Saturnus eis testificetur, ad immolandum Deo animalia sollicitabitur, mortuorum factor et mediator, deflebit funera, et planctus super sepulcra faciet, quolibet etiam modo divinabit in occultis, et morabitur in locis ubi sunt secreta et in sanctuariis et ubi sanguis effundetur. Ac si Iupiter eis testificetur, in orationum domibus assidue morabitur, et augur existet, et in femininis maritandis sollicitabitur, et ad effectum perducet, et inde erit eius vita, erit etiam deliciosus et dissolute cogitationis. Proprie etiam figure signorum in quibus sunt planete gubernatores offici aliquid adiuvant tamen diversitate officiorum et magisteriorum nati. Signa namque figuras humanas habentia omne magisterium scientiarum quibus opus habent homines perfectione iuvant. Signa vero habentia figuras quadrupedum adiuvant in magisteriis minerarum, mercantionum, ac edificationum, atque dolandi. Signa autem solstitialia et equinoctialia transalationis et variationis ac geometrie vel agriculture necnon rerum domorum orationis magisteria iuvant. Et signa figuras habentia bestiarum silvestrium et aquaticarum adiuvant in magiseteriis que spectant ad humiditatem, et in que intrant herbe, et in compositione navium, et in faciendo navigium, et in laborando in rebus salitis vel in sale. At si ipsa Luna proprie loco magisterii dominata fuerit et post coniunctionem ad Mercurium iverit et in Capricorno vel Tauro seu Cancro fuerit, erit natus sapiens, dominator, et factor sacrificiorum, et observabit aquarum vasa. Si autem fuerit in Sagittario vel in Piscipus, per mortuos divinabit et malignos etiam spiritus de loco ad locum moveri coget. Sed si fuerit in Virgine vel Scorpione, erit nigromanticus et astrologus, indicabit occulta et predicet futura. Quod si in Leone vel Ariete aut Libra fuerit, erit