perquiret, et in rebus vilibus erit abstinentie bone, et addet ei Mars fortitudinem cordis. Et cetera quando directio diversorum significatorum ad eundem locum applicuerit iudicabimus. Et ex locis obviantibus ylegiis et cetera dicit quod non sufficit in athazir cuiuslibet significatorum aspicere solummodo ad loca interficientia, ymmo debemus aspicere ad sextiles etiam et trinos aspectus planetarum obviantium.

Et dispositor temporum cuiuslibet ylegiarum erit ab hora nativitatis ipse planetamet qui invenitur in gradu yleg ipsa hora nativitatis, si aliquis in eodem gradu fuerit corporaliter, vel qui eundem gradum aspicit, si nullus ididem fuerit, et uterque eorum disponet prima tempora yleg, donec scilicet directio eiusdem perveniet ad alium gradum in quo fuerit alius planeta vel radii alicuius alterius planete in ipsa hora nativitatis. Et tunc ille secundus erit dipositor yleg, donec directio eadem pervenerit ad alium tertium vel ad radios alterius, et sic ulterius procedendo. Et domini terminorum ad quos eadem directio pervenerit etiam disponunt de vita nati tempora universalia quamdiu ipsa permanserit in illo termino, et hoc eo fortius si tales domini terminorum presentialiter in ipsis terminis affuerint vel eosdem aspexerint quovis aspectu.

Secunda vero via seu regula per quam particularem statum cuiuslibet anni iudicabimus, ut supradictum est, per alynthie est, id est per signum profectionis a quinque locis principalibus radicis supra narratis, et dominus signi alynthie erit dispositor illius. Et hec profectio fit tripliciter secundum eundem Ptholomeum, ubi supra, scilicet per annos, menses et dies. Et convenit ut aspiciamus ad planetas cadentes in locis temporum, loca autem temporum sunt loca in quibus mutantur significatores radicis, et ubi est ylegiorum divisio, et ubi applicuerit alynthie. Aspiciemus etiam quomodo cadit Saturnus in locis universalium temporum, et quomodo caidt Iupiter in locis annorum, et quomodo Sol, Mars, Venus et Mercurius cadunt in locis mensium, et quomodo transit Luna per loca dierum.

Loca quidem temporum uniuersalium sunt loca que cadunt interea dum fixatur directio yleg ab aliquo planeta vel a radiis eius donec applicet ad alium planetam vel ad radios alterius planete, et similiter sunt termini in quibus cadit divisio yleg. Et loca annorum sunt signa alynthie annalia ylegiarum, et loca mensium sunt signa alynthie significatorum mensium, et loca dierum sunt signa et gradus alynthie significatorum cuiuslibet diei. Et videas tunc quid quilibet planeta in radice nativitatis promiserit, quoniam illud in tempore sui domini complebit, si subandi etas ad hoc conveniat.

Et iudicabimus per planetas disponentes universalia tempora in esse accidentis et eius complemento, id est per planetas ylegia disponentes, scilicet planetam a quo separabitur ipsa directio significatoris, et per planetam ad quem pervenit directio, et per ipsum dominum termini ad quem pervenit directio seu divisio per gradus equales, vel etiam per radiorum proiectiones. Et hoc in universali iudicabimus etiam per dispositores temporum particularium in iuvando illud vel nocendo ei, id est per dominos alynthie seu profectionum tam annalium quam mensurnalium atque diurnalium. Et si fuerint concordes cum dispositoribus temporum universalium, iuvabunt eos in significatione, et si contrarii fuerint, eisdem nocebunt. Et generaliter quando directio et profectio cuiuslibet significatoris per se pervenerint ad signum bonum vel bene dispositum 〈tam in radice quam revolutione〉, tam … revolutione] add. i. m. G et ad aspectus bonos tam in radice quam in revolutione, vel ad domum bonam, vel ad locum planete boni, tunc significabunt prosperitatem illius rei in illo anno 〈vel mense〉. vel mense] add. i. m. G Quando autem provenerint ad signum male dispositum, vel ad aspectus malos tam in radice quam revolutione ipsa, vel ad malam domum radicis, aut ad locum planete mali, tunc significabunt illo anno 〈vel mense〉 vel mense] add. sup. lin. G impedimentum et improsperitatem illius rei, si etas ad hoc conveniat.

Sciemus etiam modum accidentis, quale scilicet erit in qualibet parte vite, per naturas et statum dispositorum eorundem temporum tam universalium quam particularium, in radice scilicet et revolutione, et per commixtionem unius eorum cum aliis in utroque etiam tempore. tempore] Nota hic de tempore apparitionis accidentis in eodem anno, et super hoc etiam vide commentum verbi 58 Ptholomei, hic folio 114, cui supraponitur hec littera o add. i. m. G Tempus autem quando accidens illud apparebit in eodem anno scire poterimus per statum signorum disponentium illo anno et mensibus singulis, quem scilicet habent in respectu ipsius yleg et dispositoris sui, necnon ex qualitatibus contingentibus, cum planete et Sol et Luna in predictis signis res annorum et mensium disponentibus intraverint. Nam si tales planete predicta signa intrantes cum predictis locis que sunt futuri occasio in hora nativitatis concordantes fuerunt et etiam in hora ipsa revolutionis concordantes fuerint cum eisdem locis per bonum aspectum, scilicet sextilim vel trinum, vel etiam per naturam eorum propriam, id est quod sint eiusdem alhaiz, bonum tunc in re futura ipso tempore significabunt, cumque in contrario fuerit, ei malum annuntiabunt. Quod si in predictis signis res annorum et mensium disponentibus intraverint planete qui locis que sunt futuri occasio in hora nativitatis discordantes fuerunt, per oppositum scilicet vel quadratum aspectum aut per contrarietatem alhayz, erunt ipsi impedimentorum vel adversitatum occasio in illo anno vel mense. Et cum dominantur aliqui planete in dispositione alicuius anni vel mensis et cum hoc inventi fuerint in ipsismet locis dispositionis aut aspexerint ea, superabit et crescet multum natura illius accidentis, bonum sit sive malum, et erit hoc adhuc fortius si istimet planete dispositores etiam fuerint in radice nativitatis.

Superius etiam dictum est secundum Haly in commento huius textus quod quilibet planetarum et quelibet domus et pars ipsa fortune ac ceteri significatores radicis significationem propriam habent in omnibus statibus et factis nati. Et si omnes applicuerint uno et eodem tempore ad aliquam fortunam vel fortunas, quod raro contingit, omnes status nati tunc complebuntur, et hec est melior fortuna que esse possit. Et si omnes applicuerint uno et eodem tempore ad aliquam infortunam vel ad infortunas, deficiet in omnibus rebus natus, et hoc est maius infortunium quod esse possit, et hoc etiam de raro contingentibus est.

Insuper quoniam significatores particulares singulis annis vitam nati gubernantes quamplures sunt et domini, si in una et eadem tamen re, significationem generaliter habentes, de quibus Ptholomeus nullam facit mentionem, sicut sunt domini fridariarum et orbium et cetera, inde interdum contingit in una et eadem re diversa inveniri iudicia, ut puta ratione domini fridariarum bonum statum et ratione loci divisionis seu alterius cuiusvis significatoris aliquid infortunium. Non tamen sufficit astrologum peritum eadem iudicia absolute et indeterminate narrare, ymmo exprimere debet tali tempore accidet ei