Veneris quoque stella eadem efficit quoad temperaturam veruntamen per contrarium: calefacit enim nonnihil propter proximitatem quam ad Solem habet, plurimum vero et ipsa humectat quemadmodum Luna evaporationem, que ex humiditatibus terram continentibus insurgit, ob suorum luminum magnitudinem ab humid sibi vendicans.

Mercurii vero stella ut plu ex equo ut plurimum interdum quidem exsiccativa deprehenditur et humiditatum epotativa, eo quod nunquam a Solis caliditate secundum longitudinem nimium discedat; interdum autem humefactiva eo quod lunari sphere, que terris est vicinissima, superponatur. Veloces autem efficit in utrisque mutationes, a motus velocitate circa ipsum Solem quasi vento quodam concitatus.