rectangulo ANQ circumscribitur 360. Angulus igitur etiam NAQ talium est 13 40′ qualium duo recti sunt 360. Rursus quoniam qualium est TE semidiameter excentrici 60, talium etiam QN demonstrata est 7 48′ et QT similiter 10 32′, erit etiam tota linea QTE 70 32′ et propterea etiam NE qua rectus angulus subtenditur 71 proxime. Qualium igitur est NE linea 120 talium QN quoque erit 73 10′ et arcus suus talium 12 36′ qualium est circulus qui rectangulo ENQ circumscribitur 360. Quare angulus etiam NEQ talium est 12 36′ qualium duo recti sunt 360, erat autem earumdem angulus quoque NAQ 13 40′. Quare reliquus etiam ANE angulus talium quidem est 1 4′ qualium duo recti sunt 360, qualium vero quatuor recti sunt 360, talium 0 32′. Totidem igitur zodiaci quoque arcus ES continet.

Describatur rursum similis figura que secunde oppositionis descriptionem contineat. Quoniam igitur XF 45 13′ graduum supponitur, erit etiam angulus XTF talium quidem 45 13′ qualium quatuor recti sunt 360, qualium vero duo recti sunt 360, talium et ipse et qui sibi opponitur DTU angulus 90 26′. Quare arcus etiam DU linee talium est 90 26′ qualium est circulus qui DTV rectangulo circumscribitur 360, arcus vero UT 89 34′ ad semicirculum reliquorum. Corde igitur etiam sue DV quidem talium est 85 10′ qualium est DT qua rectus angulus subtenditur 120, linea vero UT 84 32′ earundem. Ergo qualium est DT linea 6 33′ 30′′ et DB semidiameter excentrici 60, talium etiam erit linea DU 4 39′ et UT 4 38′ similiter. Et quoniam si quadratum linee DV subtrahatur a quadrato linee DB facit quadratum linee BV, erit etiam linea BU 59 49′ per longitudinem, tota vero QB, quoniam VQ linea equalis est linee UT, talium est 64 27′ qualium NQ, que dupla est ad DU, colligitur 9 18′. Idcirco etiam NB que rectum angulum subtendit 69 6′ earundem erit. Quare qualium est NB 120, talium erit NQ 17 9′ et arcus suus talium 16 20 qualium est circulus qui BNQ rectangulo circumscribitur 360. Ergo etiam angulus NBQ talium est 16 26′, qualium quatuor recti sunt 360.

Rursus quoniam qualium est FT semidiameter excentrici 60, talium NQ quoque linea demonstrata est 9 18′ et QT similiter 9 16′, erit tota linea QTF 69 16′ earundem, et propterea linea quoque NF que rectum angulum subtendit 69 52′. Quare qualium est NF qua rectus angulus subtenditur 120, talium erit NQ linea 16 proxime, et arcus