9 3′ gradibus in obliquo circulo distat a nodo, tunc distat a circulo qui per medium signorum est in maximo circulo qui ad rectos obliquo angulos per ipsum centrum describitur unius gradus sexagesimas 48 30′, quando vero 7 48 gradibus in obliquo circulo distat a nodo, tunc distat a circulo qui per medium signorum est in maximo circulo qui per ipsum Lune centrum ad rectos obliquo describitur sexagesimas unius gradus 40 40′. Quoniam igitur excessus duarum eclipsium quartam lunaris diametri partem continet, excessus autem duarum distantiarum quas proposuimus quibus centrum eius a circulo qui per medium signorum est, hoc est ab umbre centro, distabat 7 50′ sexagesimis unius gradus, gradus] quod maior est semidiameter umbre quam dupla et tribus quintis semidiametro Lune bis enim 15 40 fiunt 31 20 adde tres quintas hoc est 9 21 fiunt 40 44 et ita superfluunt 4 secunda et sic est dupla super tripartiens quintas add. marg. A patet quia tota Lune diameter subtendit arcum maximi circuli 31 20′ sexagesimarum gradus unius.

Hinc etiam facile intellectu est quod linea que est a centro umbre que fit in eadem maxima longitudine Lune 40 40′ unius gradus sexagesimas subtendit. Nam quando centrum Lune totidem sexagesimis distabat ab umbre centro, tunc umbre circulum tangebat, propterea quod media lunaris diametri pars defecit. Insensibili autem atque indifferenti minor est quam dupla et ad hec tribus quintis maior semidiametro Lune, que est sexagesimarum 15 40′. Sed pluribus etiam hiusmodi observationibus consonas proxime invenimus expositas quantitates atque ideo tum ad alia que ad eclipsis pertinent ipsis usi sumus tum etiam nunc ad demonstrationem solaris distantie. Tantam enim fere invenimus quantam etiam Hiparchus secutus est. Nam circuli Solis Lune terreque qui a conis continentur indifferente quodam minores sunt quam circuli qui maximi in in] add. s. l. G his spheris ipsorum describuntur et diametri quam diametri similiter.

〈V.15〉 Capitulum XV : De solari distantia et iis que simul cum ea demonstrantur

His datis et etiam quod maxima Lune in coniunctionibus atque oppositionibus distantia talum est 64 10′, qualis est unius semidiameter terre, media enim distantia 59 earundem demonstrata est, semidiameter autem epycicli 5 10′, consideremus nunc quanta solaris distantia colligatur.

Sint igitur maximi sperarum et in eadem superficie circuli solaris quidem spere ABG circulus circa centrum D, lunaris vero in maxima Lune distantia circulus EFI circa centrum T, terre autem CLM circa centrum N et superficierum que sunt per centra superficies quidem que Solem et terram continet sit AXG, que vero Solem et Lunam amplectitur ANG, axis vero communis sit DTNX. Linee autem que per contactus sunt queque equidistantes fiunt et diametris ad sensum equales solaris quidem circuli sit ADG, lunaris vero ETI, terre autem CNM, umbre vero in quam in maxima sua longitudine Luna