suus talium 15 20′ qualium est circulus qui FNQ rectangulo circumscribitur 360. Erit igitur etiam angulis NFQ talium 15 20′ qualium duo recti sunt 360, erat autem etiam angulus NBQ 16 26′ et reliquus ergo BNF 1 6′ earundem est. Qualium vero quatuor recti sunt 360, talium 0 33′, totidem ergo est etiam arcus zodiaci LT. Quoniam igitur in prima oppositione arcus CS 0 32′ inventus est, patet quoniam utrorunque simul arcuum portionibus 1 5′ maior erit prima distantia que ad excentricum consideratur quam apparens et continebit gradus 68 55′.

Designetur etiam tertie oppositionis descriptio. Quoniam ergo arcus PI 39 19′ graduum supponitur, erit etiam angulus PTI talium quidem 39 19′ qualium quatuor recti sunt 360, qualium vero duo recti sunt 360, talium 78 38′. Quare arcus quoque DV talium erit 78 38′ qualium est circulus qui DTV rectangulo circumscribitur 360, arcus vero TU reliquorum ad semicirculum 101 22′. Corde igitur etiam sue DV quidem talium est 76 2′ qualium est DT qua rectus angulus subtenditur 120, et TV linea 92 50′ earundem. Quare qualium est linea DT que inter centra est 6 33′ 30′′ et DG semidiameter excentrici 60, talium DV quoque linea erit 4 9′ et VT 5 4′ similiter. Et quoniam si quadratum linee DU subtrahatur a quadrato linee DG facit quadratum UG, erit etiam linea VG 59 51′, reliqua vero linea GQ, quoniam equalis est TV linea linee VQ, talium 54 47′ qualium NQ que dupla est ad lineam DV colligitur 8 18′. Idcirco etiam NG que rectum angulum subtendit 55 25′ earundem est. Qualium igitur est NG 120, talium erit NQ 17 59′ et arcus suus talium 17 14′ qualium est circulus qui rectangulo GNQ circumscribitur 360, quare angulus quoque NGQ talium est 17 14′ qualium duo recti sunt 360. Rursus quoniam qualium est TI semidiameter excentrici 60, talium etiam NQ linea demonstrata est 8 18′ et TQ similiter 10 8′, erit etiam reliqua QI 49 52′ earundem. Idcirco linea quoque NI que rectum angulum subtendit 50 33′, quare qualium est ipsa NI qua rectus angulus subtenditur 120, talium etiam erit NQ linea 19 42′ et arcus suus talium 18 54′ qualium est circulus qui rectangulo INQ circumscribitur 360, ergo etiam angulus NIQ talium est 18 54′ qualium duo recti sunt 360. Sed angulus etiam NGQ 17 14′ earundem demonstratus est. Reliquus igitur ING 1 40′ earundem est. Qualium vero quatuor recti sunt 360, talium 0 50′, totidem ergo est MY arcus zodiaci.

Quoniam igitur in secunda etiam oppositione LT arcus 0 33′ inventus fuit, patet quia utrorunque simul arcuum portionibus 1 23′ minor erit prima