lineis continetur talium 3570 56′ qualium est LM diameter 120, sed rectangulum quod fit a lineis LD et MD cum quadrato linee DC facit quadratum semidiametri, hoc est linee CL. Si ergo a quadrato semidiametri, hoc est a a] add. s. l. G 3600, subtraxerimus rectangulum sub lineis LD et DM contentum, hoc est 3570 56′, relinquetur quadratum linee DC 29 4′ earundem. Habebimus ergo ipsam lineam DC que est inter centra talium 5 23′ proxime qualium est CL excentrici semidiameter 60.

Rursus quoniam medietas linee GE, hoc est linea GN, talium est 59 55′ qualium LM diameter 120, demonstrataque est linea GD 55 33′ earundem, et reliqua ergo linea DN talium est 4 22′ qualium erat linea DC 5 23′. Qualium igitur est DC que que] add. s. l. G rectum angulum subtendit 120, talium etiam DN erit 97 28′ et arcus suus talium 108 24′, qualium est circulus qui rectangulo DCN circumscribitur 360. Angulus igitur etiam DCN talium quidem est 108 24′ qualium duo recti sunt 360, qualium vero quatuor recti sunt 360, talium 54 12′. Et quoniam in centro excentrici est, habebimus etiam arcum in 4 54 12′. Est autem totus etiam arcus GMXT graduum 87 3′, cum sit medietas totius GXE, reliquus ergo arcus MG qui est a minima longitudine ad tertiam oppositionem graduum erit 32 51′. Cum autem BG distantia 33 26′ graduum supponatur, patet quod reliquum quoque arcum BM qui est a secunda oppositione ad minimam longitudinem habebimus sexagesimarum 35, cunque AB distantia 99 55′ graduum supponatur, habebimus etiam reliquam LA que est a maxima longitudine ad primam oppositionem graduum 79 30′.

Si ergo in hoc excentrico epicycli centrum deferretur, satis esset his magnitudinibus tanquam certis peruti. Verum quoniam secundum suppositionis consequentiam in alio circulo movetur qui describitur centro dividenti puncto lineam DC equaliter et spatio CL, oportebit rursus, sicut in Marte factum est, primum apparentium distantiarum differentias computare, demonstrareque quantenam essent quasi proportiones excentricitatis iste proxime sint, si non in altero excentrico, sed in primo qui zodiaci continet inequalitatem quique ad centrum C circumscribitur epicycli centrum deferretur.

S it ergo LM excentricus qui centrum defert epicicli cuius centrum D, excentricus vero qui epicicli motum facit equalem sit NX cuius centrum F, et sit equalis excentrico LM, coniunctaque NLM diametro que per centra est, capiatur in ipsa zodiaci centrum et sit E, et supponatur primum in prima oppositione centrum epicycli esse in puncto A, et coniungantur DA et E et FAX et EX linee, deducanturque a punctis D et E ad lineam AF productam perpendiculares