verebitur, vilipendet secreta et orationis domos, et erit nigromanticus, de omnibus se intromittens. Quod si Mercurio Saturnus assimiletur seu associetur et ipse Mercurius bone qualitatis existat, erit natus rerum atque legum inquisitor et investigator, medicine amans scientiam, occultus et occultorum deliberator, mira faciet, sophista erit, levis, dispositor boni ingenii, amare anime, investigator acutus, populi gubernator, intelligentie magne, diligens omne bonum, et in omnibus rebus istis fortunabitur. At si hec stella fuerit in predicti contrarium, erit natus invidus, animeque turbide, laboriosus, odiosus, retentor ire, male voluntatis, semper tristis, suos abhorrens parentes, dolorosus, in nocte metum magnum habebit, insidiator et temptator pro interficiendo, deceptor in suis negotiis, ab hominibus separabitur, latro erit, nigromanticus, incantator, versutus, factor caracterum, nec cum his omnibus prosperabitur. Generaliter autem in statu bono vel malo planetarum unde hic fit mentio et etiam in sequentibus planetis, ut vult Haly in commento huius textus, sic debet intelligi quod bonus status planetarum in comparatione mundi est, ut partim supra dictum est, quod planeta sit in aliqua dignitatum suarum essentialium, matutinalis, directus et motus festini. Bonus vero status, quem habet respectu nativitatis vel angulorum, est ut planeta sit in angulo vel in succedenti et in suo hayz, presertim quo ad locum sub terra vel supra. Et esse planete contrarium est, quando sunt in opposito domus vel exaltationis eorum vel in locis peregrinis vel in dignitatibus planetarum discordantium se cum eo, retrogradi, combusti vel tardi cursus et cetera respectu mundi, respectu autem Solis, ut sint vespertinales seu occidentales et hoc in tribus supremis, contra vero in inferioribus et respectu nativitatis ut sint in cadentibus et in hayz contrario. Et hec respectu cuiuslibet planete pro se. Idem ibidem bonus status seu concardantia concardantia] sic for concordantia G quam habet unus planeta in respectu alterius est quando ambo sunt simul gubernatores qualitatum anime vel alterius accidentis, vel quod unus sit gubernator et alter aspiciat cum bono et amicabili aspectu, vel quod unus sit gubernator et alter gubernator gubernatoris ipsius ita quod sit dominus domus eius vel exaltationis vel trigoni vel eis similium. Hec est ratio concordantie. Aut si fuerit inter eos receptio cum bono aspectu et etiam quod uterque eorum sit in comparatione mundi et nativitatis in bona manerie. Mala vero concordantia eorum quando ipsi sunt gubernatores ambo simul vel bonus eorum et alter gubernator gubernatoris, et quod inter eos sit aspectus inimicus, vel quod sint in comparatione mundi et nativitatis in malo statu. Et inter utrumque istorum statuum habetur medius status, ita quod non sunt omnino boni status vel omnino mali. Et in illis considerandus est status vincens, et secundum eum mediocriter iudicandum, et iudicium vincens in particularibus qualitatibus anime addendum est iudicio universali etiam vincenti in statu bono vel malo. Et sic finaliter ex ambobus vincentibus concludendum est iudicium qualitatum qualitatum] followed by a crossed out word nati G anime nati. Hec reliquis applica: 〈Hermes in Centiloquio, verbo 94o: Si Saturnus fuerit in duodecima, natus in carceri includetur〉. Hermes … includetur] add. i. m. (f. 12va, at the bottom) G
De qualitatibus anime datis per Iovem
Si Iupiter fuerit solus dispositor qualitatis anime nati et ipse fuerit bone qualitatis, erit natus magnanimus, largus, iustus, verecundus, hylaris, homines amans, et formosa, liberalis, equus, magne cogitationis, mansuetus, egregius, in suis operibus pius, benefaciet hominibus, ab omnibus se diligi faciet, cognitionis bone, et gubernationis bone. Si vero in contraria qualitate fuerit, erit in his debilior, et magis occultus, et absque bono intellectu, erit prodigus, serviens dyabolo, vel erit male opinionnis, male credulitatis, vel secte male, inverecundus, superbus, prevoluntarius, amans delectationes et vitia, et erit sine abstinentia. Quod si Marti Iupiter assimiletur et qualitatis ipse laudabilis existat, erit natus versutus, placitator, bellicosus, rixator, nulli volens humiliari, homo exercitiuum et operum, cupiens vindicari et penitus omnes superare, factor despectuum multis, rerum inventor, rei veritatem non ignorabit, providus erit, et magnanimus, iracundus, et cunctis precipere volens, rerum cognitor, et in his prosperabitur. At si Mars in predicti contrarium fuerit, erit natus blasphemator et verborum perturbator, impudens, nullius rei celator, vilipensor aliorum, ypocrita, mendicus, superbus, inobediens, depredator, leviter alterabitur, leviter penitens, instabilis, vilis, infidelis, nullius notitie ac consilii, insensatus, raptor, suorum amissor, et generaliter diversarum erit qualitatum modorumque mutabilium, eritque crudelis et sine discretione. Quod si Iupiter Veneri fuerit similis et ipsa laudabilis qualitatis fuerit, erit natus simplex, amans nitiditatem et magisteria atque rerum investigationes, cantos cantos] uncertain reading G etiam et iocos, atque commestiones appetens, eritque bone qualitatis anime, pius, sani cordis, Deum amabit et illi serviet et amore eius laborabit, erit sensatus et amans humilis, anime splendide, gratificus, munificus, valde studens, erit rerum cognitor, et circa legittimos Veneris actus temperatus, suos etiam consanguineos amabit, honoris nominisque formam concupiscet, et generaliter erit iustus et probus. Sed si Venus in predicti contrarium fuerit, natus erit illaboriosus, delicate vite, muliebris anime, saltator, eius ira mulierum ire assimilabitur, erit prodigus, in rebus mulierum insensatus, procus, libidinosus, delinquens, capillorum ornatus amans, semetipsum extollet, nescius suorum amissorum gaudabit, in hominum erubescentia leviter impedietur, sui compos erit, femineique sensus, in rerum ecclesiasticarum dilectione prevalebit, erit occultator, et fidelis, omnium malorum ignarus, cunctis obnoxius, in suis operibus commendabilis, et liberalis in omnibus que fecerit. Quod si Mercurio Iupiter associetur et fuerit qualitatis ydonee, erit natus in librorum lectionibus assiduus, amabit syllogismos, geometricus erit, peritus in quadrivio, versificator, ac sermocinator, acuti ingenii, humilis, boni consilii, laudabilis in moribus, benificiorum dispositor, bone qualitatis anime, dapsilis congregationis, bone opinionis amator, bene et subito incepta perficiet, erit homo regiminis, bone credulitatis, Deum diligens, con-