esse in T puncto epicycli, et coniuncta linea BT, trahatur a puncto E ipsi equidistans linee EL in qua per ea que iam demonstrata sunt medius motus Solis erit, coniunctaque linea ET, ducantur ad ipsam a punctis D et B perpendiculares DM et BN, et similiter a puncto D ad lineam BN perpendicularis DX, ut figura DMNX rectangulum paralellogrammum fiat. Quoniam igitur angulus ACT apparentis motus stelle a maxima longitudine talium est partium 100 et sexagesimarum 50 qualium quatuor recti sunt 360, angulus vero medii motus Solis GEL 2 29′ earundem, erit etiam angulus TEL, hoc est angulus BTE, talium 81 39′ qualium quatuor recti sunt 360, qualium vero duo recti sunt 360, talium 163 18′. Quare arcus etiam linee BN talium est 163 18′ qualium est circulus qui rectangulo BTN circumscribitur 360, ipsa vero linea BN talium 118 43′ qualium est TB que rectum angulum subtendit 120. Quare qualium est BT semidiameter epicycli 39 30′ et ED que est inter centra 6, talium etiam BN erit 39 3′. Rursus quoniam angulus ET talium est 100 et sexagesimarum 50 qualium quatuor recti sunt 360, qualium vero duo recti sunt 360, talium 201 40′, ac ideo qui deinceps est angulus DEM 158 20′ earundem, erit etiam arcus DM talium 158 20′ qualium est circulus qui DEM rectangulo circumscribitur 360, ipsa vero linea DM talium 117 52′ qualium est DE que rectum angulum subtendit 120. Quare qualium est DE linea 6 et BN 39 3′, talium etiam erit DM, hoc est NX, 5 54′ et reliqua BX talium 33 9′ qualium est BD semidiameter excentrici 60. Quare qualium est BD que rectum angulum subtendit 120, talium etiam erit BX 66 18′ et arcus suus talium 67 4′ proxime qualium est circulus qui rectangulo BDX circumscribitur 360. Et angulus igitur BDX talium est 67 4′ qualium duo recti sunt 360, totus vero BDM 247 4′, est autem etiam EDM angulus 21 40′ earundem, propterea quod DEM angulus demonstratus est esse 158 20′ et reliquus igitur BDE angulus 225 24′ esse colligitur et qui deinceps est angulus BDA 134 36′ similiter. Quare arcus etiam FC talium est 134 36′ qualium est circulus qui rectangulo DFC circumscribitur 360, et arcus DC 45 24′ reliquorum ad semicirculum. Corde igitur etiam sue FC quidem talium erit 110 42′ qualium est DF que rectum angulum subtendit 120, DC vero 46 18′ earundem. Quare qualium est DF linea 6 et DB semidiameter excentrici 60, talium FC erit 5 32′ et DC 2 19′ et reliqua CB 57 41′, ideo etiam BF que rec-