ad oppositum arcum producatur, ut hic DEB linea ex B secunde eclipsis puncto protractam habemus ad E. Reliqua vero duo eclipsium puncta linea quedam coniungat, ut hic linea GA, et a sectione que per productam lineam fit, ut ex puncto E, linee ad reliqua duo puncta protrahantur sicut hic EA et EG linee. Perpendiculares autem deducantur ad lineas que a reliquis punctis duobus ad centrum zodiaci protrahuntur ad lineam quidem AD perpendicularis EF, ad lineam vero GD perpendicularis EI, et ad hec ab altero duorum que diximus punctorum, ut hic ex G, perpendicularis ad eam ducatur lineam que ab altero ipsorum, ut a puncto A, ad sectionem a producta factam in puncto E protracta est, ut hic ad lineam E perpendicularis GT deducitur. Quacunque enim descriptionis huius lineatione utamur, easdem provenire per numerorum demonstrationem proportiones videbimus, ita ut ad faciliorem solummodo usum alteram deligamus. Quoniam ergo arcus BA 3 24′ zodiaci gradus subtendere demonstratus est, erit etiam angulus BDA, cum sit in centro eius, talium quidem 3 24′, qualium quatuor recti sunt 360, qualium vero duo recti sunt 360, talium 6 48′. Quare arcus etiam corde EF talium erit 6 48′, qualium circulus qui describitur circa rectangulum DEF 360, ipsa vero linea EF talium 7 7′, qualium est DE corda 120. Similiter quoniam arcus BA graduum est 53 35′, erit etiam angulus BEA, cum sit in circunferentia, talium 53 35′, qualium duo recti sunt 360. Erat autem etiam angulus BDA 6 48′ eorundem. Erit igitur etiam reliquus angulus EAF 46 47′ eorundem. Quare arcus etiam corde EF talium erit 46 47′, qualium est circulus qui circa rectangulum EF describitur 360, ipsa vero linea EF talium 47 38′ 30′′, qualium est corda EA 120. Quare qualium est EF quidem linea 7 7′, linea vero ED 120, talium etiam E linea erit 17 55′ 32′′. Rursus quoniam arcus BAG 0 37′ gradus zodiaci subtendit, erit etiam angulus BDG, cum in centro ipsius sit, talium 0 37′, qualium quatuor recti sunt 360, qualium vero duo recti sunt 360, talium 1 14′. Quare arcus quoque per EI cordam tensus talium est 1 14′, qualium est circulus qui describitur circa rectangulum DEI 360, ipsa vero linea EI talium 1 17′ 30′′, qualium est DE corda 120. Similiter quoniam arcus BAG graduum est 150 26′, erit etiam angulus BEG, cum sit in circumferentia, talium 150 26′, qualium duo recti sunt 360. Erat autem etiam angulus BDG 1 14′. Erit ergo etiam reliquus EGD 149 12′ eorundem. Quare arcus quoque corde EI talium est 149 12′, qualium est circulus qui circa GEI rec-