tumque numerum a solari gradu secundum ascensiones recte sphere dirigemus, et illum gradum in medio celi esse dicemus ad quem numerus pervenerit.

Similiter autem ab oriente gradu eum qui medium celi tenet inveniemus, si collectum numerum qui orienti gradui in tabula climatis ascribitur tenebimus. Nam si semper ab eo quarte partis 90 tempora subtrahemus, correspondentem numero illi gradum in versu collectionis graduum recti orbis tunc in medio celi esse inveniemus; econtra etiam a gradu qui super terram in medio celi est orientem rursus gradum habebimus, si collectum numerum gradui qui medium celi tenet appositum in recte sphere tabula capiemus, ipsique super eadem 90 addiderimus tempora. Facto enim numero correspondentem in collectione graduum climatis gradum oriri tunc oriri tunc] post corr. G inveniemus.

Perspicuum etiam est quia Sol totidem equaliter horas equales abest a media nocte meridieque omnium qui sub eodem meridiano habitant. Tot autem equalium horarum temporibus differt in omnibus qui non sub eodem meridiano habitant, quot gradibus meridianus a meridiano distat.

〈II.10〉 Capitulum X: De angulis atque arcubus que ab obliquo zodiaci circulo et meridiano fiunt

Verum cum ad propositam speculationem reliquum sit ut de angulis disseramus qui penes circulum quem per medium signorum dicimus fiunt, illa prius exponenda exponenda] corr. ex experienda G sunt quod rectum a maximis circulis contineri angulum dicimus, quando, communi circulorum sectione pro polo capta, spatio autem quolibet, descripti circuli arcus interceptus a portionibus que angulum continent quartam descripti circuli partem facit, et quod universaliter, que proportio est inter interceptum arcum ad circulum ita descriptum, ea etiam est anguli qui sub declinatione superficierum continetur ad quatuor rectos. Quare cum totam circumferentiam 360 partium esse supponamus, quot arcus interceptus partium erit, tot etiam angulus a quo ipse subtenditur erit, talium videlicet qualium unus rectus 90. Angulorum igitur qui penes obliquum circulum fiunt illi maxime ad hanc speculationem conferunt qui ab eius meridianique aut orizontis in omni situ sectione continentur, similiter qui ab eius et descripti per polos orizuntis maximi circuli sectione continentur. Cum huiusmodi autem angulis simul arcus etiam huius circuli qui intercipiuntur intersectionem et polum orizuntis, hoc est puncti super verticem, demonstrantur.