excentrici 60.

Rursus quoniam medietas linee GE, hoc est linea GN, 59 11′ talium est qualium LM diameter 120, est autem GD quoque linea 53 2′ earundem, demonstrata erit reliqua DN talium 8 39′ qualium DC inventa est 13 7′. Qualium igitur est DC que rectum angulum subtendit 120 talium etiam erit DN 79 8′, arcus vero suus talium 82 30′ qualium est circulus qui rectangulo DCN circumscribitur 360. Angulus igitur etiam DCN talium est 82 30′ qualium duo recti sunt 360, qualium vero quatuor recti sunt 360, talium 41 15′. Et quoniam in centro excentrici est, habebimus arcum etiam MX graduum 41 15′. Est autem totus quoque arcus GMX 80 3′, cum sit medietas arcus GXE. Reliquus ergo arcus GM qui est a tertia oppositione ad minimam longitudinem graduum est 39 19′. Patet autem, cum BG arcus 95 28′ graduum supponatur, quod reliquus quoque LB qui est a maxima longitudine ad secundam oppositionem graduum erit 45 13′. Sed cum etiam AB arcus 81 44′ graduum supponatur, erit reliquus quoque AL qui est a prima oppositione ad maximam longitudinem graduum 36 31′.

His igitur suppositis, consideremus iam collectas ab istis quesitorum in omni oppositione zodiaci arcuum differentias hoc modo.

Describatur ex figura trium oppositionum solius prime oppositionis descriptio, et coniuncta linea AD, deducantur a punctis D et N ad AT lineam protractam DU et NQ perpendiculares. Quoniam igitur arcus XE 36 31′ graduum est, erit etiam angulus ETX talium quidem 36 31′ qualium quatuor recti sunt 360, qualium vero duo recti sunt 360 talium et ipse et oppositus ei DTN 73 2′, quare arcus etiam DU talium erit 73 2′ qualium est circulus qui rectangulo DTU circumscribitur 360, arcus vero UT 106 58′ ad semicirculum reliquorum. Corde igitur quoque sue DU quidem talium est 71 25′ qualium est DT qua rectus angulus subtenditur 120, UT autem 96 27′ earundem. Quare qualium est DT linea 6 33′ 30′′ et DA semidiameter excentrici 60, talium etiam erit DV 3 54′ et VT 5 16′. Et quoniam quadratum linee DU subtractum a quadrato linee DA facit quadratum linee UA, erit etiam AU linea 59 52′ per longitudinem, tota vero linea QA, quoniam equalis est QV linea linee VT, talium 65 8′ qualium NQ que dupla est ad DV colligitur 7 48′. Idcirco etiam NA qua rectus angulus subtenditur erit 65 36′. Quare qualium est NA linea 120, 120] post corr. G talium NQ erit 14 16′ et arcus suus talium 13 40′ qualium est circulus qui