DF que inter centra est 3 25′ et DB semidiameter excentrici 60, talium FC quoque erit 3 17′ et DC 0 59′, reliqua vero linea CB talium 59 1′ qualium FC est 3 17′, idcirco etiam FB que rectum angulum subtendit 59 6′ earundem. Quare qualium est FB que rectum subtendit 120, talium etiam erit FC 6 40′, et arcus suus talium 6 22′ qualium est circulus qui BFC rectangulo circumscribitur 360. Quare angulus quoque FBC talium est 6 22′ qualium duo recti sunt 360. Erat autem etiam ADB angulus 146 32′, totum igitur AFB angulum qui medium secundum longitudinem motum continet 152 54′ earundem habebimus, qualium vero quatuor recti sunt 360, talium 76 27′. Quas ob res Saturni stella in observationis exposite tempore distabat secundum medie longitudinis motum a maxima longitudine gradibus 283 33′ et obtinebat gradus Virginis 2 53′. Verum quoniam Solis etiam medius motus graduum supponitur 106 50′, si 360 unius circuli gradus eis addiderimus et a factis 466 50′ longitudinis gradus 283 33′ subtraxerimus, habebimus in eodem tempore gradus et inequalitatis a maxima epicycli longitudine 183 17′.

Quoniam igitur in tempore observationis exposite quod fuit in 519 anno a Nabonassaro Tybi die 14^a vesperi demonstrata est Saturni stella distare a maxima epicycli longitudine gradibus 183 17′, in tempore vero tertie oppositionis, hoc est in anno 883 a Nabonassaro Mesori 24 in meridie, gradibus 174 44′, patet quod in tempore annorum egyptiacorum 364 et dierum 219 mota est post 357 integros circulos gradibus inequalitatis 351 27′, quot fere ab expositis mediis motibus rursum colliguntur. Hinc enim etiam diurnum medium motum constituimus divisa multitudine graduum in multitudinem dierum.

〈XI.8〉 Capitulum VIII : De locis periodicorum Saturni motuum in tempore Nabonassari

Quoniam igitur a primo etiam Nabonassari anno Thot secundum Egyptios die primo in meridie usque ad expositam priscam observationem tempus interfuit egyptiacorum annorum 518 et dierum 113 15′, quo tempore reiectis integris circulis continetur motus secundum longitudinem graduum 216 et inequalitatis 149 15′, si hos gradus a locis in observatione habitis subtraxerimus, habebimus in tempore Nabonassari stellam Saturni medie secundum longitudinem in gradibus Capricorni 26 43′, inequalitatis autem a maxima epicycli longitudine habebimus gradus 34 2′ et per eadem maximam quoque excentricitatis longitudinem in Scorpionis gradus 14 10′, que nobis erant