distantia vel ab eodem per additionem cursu vel ab eodem per subtractionem initium fecerit, nec in eundem desiverit, sive in altera quidem a maximo cursu inceperit et in minimum devenerit, in altera vero a minimo cursu ad maximum, sive utrinque primus alterius distantie cursus et alterius ultimus equaliter ab eodem minimo aut maximo cursu distent. Quicquid enim horum accidat, vel nullam rursus vel eandem inequalitatis Lune differentiam faciet. Ac ideo motus quidem longitudinis equales efficiet, inequalitatem vero nequaquam restituet. Nihil igitur horum accepte debent habere differentie, si tempus quo inequalitas Lune restituitur contenture sint. Immo vero illas contra eligere debemus que inequalitatem maxime possint ostendere, si restitutiones inequalitatis integre non contineantur, hoc est quando non solum a diversis principia cursibus habeant, verum etiam a valde diversis aut secundum magnitudinem aut secundum virtutem: secundum magnitudinem quidem, quando in altera distantia a minimo cursu incipiat, nec in maximum desinat, in altera quando a maximo incipiat, nec in minimum desinat. Sic enim maxima secundum longitudinem motus differentia erit, cum inequalitatis revolutiones integre non absolvantur, quando maxime unam quartam aut etiam tres unius inequalitatis superaccipiet. Duabus enim tunc penes inequalitatem differentiis inequales distantie future sunt, secundum virtutem autem, quando in utraque distantia a cursu medio incipiat, sed non ab eodem medio, sed in altera ab eo qui per additionem, in altera ab eo qui per subtractionem efficitur. Nam etiam sic longitudinis progressus plurimum inter se different maxime, inequalitate non restituta. Nam cum una rursus quarta vel tres unius inequalitates inequalitates] corr. ex in qualitates A comprehenduntur, duabus penes inequalitatem differentiis different, cum vero semicirculi differentiis quatuor. Quapropter Hipparchum etiam videmus observantissime, quam maxime poterat, elegisse distantias quibus in hac consideratione usus est. Usus enim eis est in quibus Luna in altera distantia a maximo cursu principium fecit, nec in minimum desivit, in altera incepit a minimo, et in maximum non desivit. Ad hec etiam emendavit differentiam que fit penes Solis inequalitatem, quamvis parva sit, propterea quod quarta proxime parte unius signi nec eiusdem nec eius quod equalem inequalitatis differentiam in utraque utraque] post corr. G distantiarum faciat ad integros Solis restitutio circulos defficit.

Hec diximus non quia restitutionum modum reprehendemus,