0 punctum, 31 minuta, 25 secunda per quartam huius, quia sit semper per cordam arcus compositi ex arcu nota et arcu 30 graduum. Per quintam huius facies tabulam, quod est quod volumus.
Capitulum 11 de positione arcuum et cordarum est in tabulis. Duodecimum capitulum ostendit maximam declinationem nobis declivis seu arcum coluri interemptum inter tropicum Cancri et Capricorni et habet solam conclusionem.
〈I.15〉 Maximam declinationem per instromenti artificium et considerationem reperire.
Capiatur superficies quarti ad cuius centrum describantur circuli duo quorum circumferentie in 360 partes dividantur et partes in partes quantum possibile est. Postea capitur ista superficies secundum ultimum circulum ut sit armilla divisa in 360 partes et ad internum ponatur alius circulus seu rota volubilis cuius dyamete sit HE et a punctis H et E erigantur due pinnule HG et EF orthogonales super rotam volubiles et exiat denticulus HK a medio pinnule ad armillam. Quo facto erigatur hoc totum supra superficiem †nm† †nm†] unclear: n written above m P equidistantem orizonti orthogonaliter et supra lineam MN meridyanam. Quo facto capiatur maxima Solis altitudo meridiana et minimam differentiam inter has erit arcus coluri intercepti inter tropicum Cancri et Capricorni cuius medietas est maxima declinatio. Aliter levius et melius fiat quadrans et per regulam DHK volubilem habebitur illud quod prius. Sciendum tamen quod diversi diversimode maximam Solis declinationem invenerunt. Nam Yndi invenerunt eam 24 graduum, Ptolomeus vero 23 graduum, 51 minutorum et 20 secundorum, et Arzahel 23 graduum, 33 minutorum et 30 secundorum. Ideo sollerter adhuc est inspiciendum et magis visui quam auditui credendum. Capitulum 13m docet finaliter declinationem cuiuslibet puncti 30ti invenire et habet conclusiones novem.
〈I.7〉 Septima. Duabus rectis lineis ab angulo uno descendentibus aliis duabus sese secantibus ab earumdem descentium reliquis in easdem reflexis, utralibet reflexarum alterius conterminalem sic figit ut portio ipsius fixe ad eam sui partem que supra fixionem producatur ex duabus proportionibus, ex una dico proportione quam habet sibi conterminalis reflexa ad eam sui partem que sectioni interiacet et fixioni, et alia proportione quam habet alterius reflexe inferior sub sectione portio ad eam totam cuius pars est lineam.
Exempli gratia sic: Proportio linee GA ad lineam EA componitur ex proportione linee GD ad lineam ZD et BZ ad BE. Sit enim EH equidistans DG per 31 primi Euclidis. Quare proportio GA ad EA est tanquam proportio GD ad HE per 29 et 32 32] corr. ex 22 P primi Euclidis et 4 sexti Euclidis; inter quas ZD linea constituatur media cuius proportio ad HE est sicud BZ ad BE per easdem 29 et 32 et 4 sexti 〈Euclidis〉, ex quo patet intentum.
〈I.8〉 Octava. Duabus lineis rectis ab angulo uno descendentibus aliisque duabus sese secantibus ab earum descendentium reliquis terminis in easdem reflexis, utralibet reflexarum alterius conterminalem sic figit proportio portionis fixe, inferioris dico partis ad superiorem partem, producatur ex duabus proportionibus, ex una inquam proportionem quam habet sibi conterminalis reflexe inferior sub sectione portio ad reliquam partem que sibi sectioni interiacet et fixioni, et alia proportione quam habet reliqua inferior descendens sub fixione portio ad eam totam cuius pars est lineam.
Exempli causa proportio GE ad