ut prius meridianus DBGA, G cenic, A celum medians meridionale, AG orientialis portionis, B vero septentrionale, cetera vero ut prius eritque ut prius angulus GED equus GHD cumque GHD cum DHL faciat duos rectos valebit GED cum DHL duos rectos angulos. Anguli autem ZEG et BHL valent ZED et BHD qui sunt idem et GED et DHL valentes duos rectos. Igitur isti superat duplum istius quantitate duorum rectorum. Si vero A fuerit septentrionale et B econtra, continebunt ZED et BHD et sunt idem angulus 〈et〉 angulus ZEK et BHG et angulos KED et GHD qui ut statim valent duos rectos. Igitur isti, scilicet ZEK et BHG, superantur ab duplo ZED quantitate duorum rectorum hocque Z. Nota quando sit mentio de aliquo angulo debet hoc intelligi de orientali septentrionali.

Corollarium vero patet quia si noti sint arcus et anguli medietatis a principio Cancri usque ad principium Capricorni in quacumque distantia a meridionali linea, erunt per 31 huius arcus et anguli alterius medietatis in quacumque distantia a meridionali linea noti. Quare per 32 et 33 huius adiuncta 19 huius arcus et anguli utriusque medietatis et in quacumque distantia a meridionali linea erunt noti.

〈II.34〉 Quemlibet angulum ex concidentia circuli altitudinis cum circulo signorum aput punctum medians celum vel ad punctum orizontis et arcum quoque a summitate capitum ad utrumlibet notum esse oportet.

Sit ABG meridianus, BED orizon, ZEH orizon qualitercumque cadat, A cenic. Si igitur latitudo regionis est nota et declinatio puncti Z etiam sit nota per 16 prime dictionis et cum Z sit notum per 19 huius, erit et AZ notum et angulus AZE notus per 26 huius. AE autem est quarta per 23 primi Theodosii et 27 tertii Euclidis notum. Item angulus AED notus quia rectus per 19 primi Theodosii et cum HED sic notus per 30 huius, erit HEA notus sicque patet correlarium.

Explicit Almagesti Ptolomey abreviatum Bernhardi Chorner quondam Iacobi de Tyrnavia.