gradus 7 33′. Annis enim 378 qui interfuerunt 3 47′ congruunt gradus, quare stella quoque Iovis que tunc fixam obtexerat 7 33′ gradus Cancri obtinebat. Similiter quoniam maxima longitudo in Virginis gradibus 11 tempore nostro reperitur, tempore observationis 7 13′ gradus eiusdem obtinere debebat. debebat] corr. ex debeat G Unde patet apparentem stellam 300 gradibus et 20 sexagesimis a maxima excentrici longitudine tunc remotam fuisse, medium vero Solem ab eadem longitudine ad successionem gradibus 2 43′.

His suppositis, designetur rursum descriptio similis demonstrationi quam de Marte habuimus consequenter dumtaxat motibus qui per observationes dati sunt. Que situm quidem epicycli in B puncto ante A maximam longitudinem habeat, situm autem medii Solis motus parum post eandem longitudinem in puncto L, et propter hec situm quoque stelle in T puncto post I maxime longitudinis epicycli punctum, coniunctis semper eodem modo FBI et DB et BT et ET lineis, deductisque ad lineam quidem DB perpendiculari FC, ad lineam vero ET perpendicularibus DM et BN, ad lineam autem BN protractam hic perpendiculari DX, que faciat DMNX paralellogramum rectangulum. Quoniam igitur angulus ET qui reliquos ad circulum zodiaci unum post gradus 300 et sexagesimas 20 continet talium est 59 40′ qualium quatuor recti sunt 360, et angulus EL 2 43′ similium, erit etiam LET totus, hoc est BTE, talium 62 23′ qualium quatuor recti sunt 360, qualium vero duo recti sunt 360, talium 124 46′. Quare arcus quoque linee BN talium erit 124 46′ qualium est circulus qui BTN rectangulo circumscribitur 360. Ipsa vero BN linea talium 106 20′ qualium est BT que rectum angulum subtendit 120. Qualium igitur est epicycli semidiameter 11 30′ talium erit BN linea 10 12′. Rursus quoniam angulus DEM talium esse supponitur 59 40′ qualium quatuor recti sunt 360, qualium vero duo recti sunt 360, talium 119 20′, et reliquus MDE 60 40′ earundem, erit etiam arcus linee DM talium 119 20′ qualium est circulus qui DEM DEM] corr. ex DM G rectangulo circumscribitur 360, et linea DM talium 103 34′ qualium est ED que rectum angulum subtendit 120. Qualium igitur est ED linea 2 45′ et DB excentrici semidiameter 60, talium erit DM 2 23′ et BNX tota 12 35′ earundem. Quare qualium est BD que rectum angulum subtendit 120, talium erit BX linea 25 10′ et arcus suus talium 24 14′ qualium est circulus BDX qui rectangulo circumscribitur 360. Quare angulus quoque BDX