AGI circumscribitur 360, angulus vero AGI talium 38 4′ qualium duo recti sunt 360, qualium autem quatuor recti sunt 360, talium 19 2′, sed GA linea in gradu 10^o Libre est. Stella ergo 29 2′ eiusdem signi gradus obtinebit maxime a vero Sole distans gradibus 21 2′.

Supponatur rursus media longitudo a maxima distantia graduum 3, ut medius Sol 13 gradum Libre obtineat, verus autem 11 4′, perductaque linea BE describatur circa E centrum epicyclus FI, tractaque similiter GI tangente, coniungantur EG et EI linee. Quoniam igitur secundum hunc situm in quo ABE angulus talium supponitur 3 qualium quatuor recti sunt 360, demonstratur per premissa AGE quidem angulus differentie excenticitatis 2 52′ eorundem, linea vero EG distantie epicycli in hoc situ talium 68 58′ proxime qualium est EI semidiameter epicycli 22 30′, erit etiam linea EI talium 39 9′ qualium est EG que rectum subtendit 120. Quare arcus etiam EI linee talium erit 38 5′ qualium est circulus qui GEI rectangulo circumscribitur 360, angulus autem EGI 38 5′ talium qualium duo recti sunt 360, qualium vero quatuor recti sunt 360, talium 19 3′ proxime, idcirco etiam totus AGI angulus erit 21 55′ eorundem. Quare quando stella 1 55′ gradus Scorpionis obtinebit, tunc maxime a vero Sole distabit gradibus 20 51′. Fuit autem etiam demonstratum quod, quando 29 2′ Libre gradus obtinet, tunc maxima a vero Sole distare potest 21 2′. Quoniam igitur excessus locorum quos obtinebat est graduum 2 53′ et maximarum distantiarum excessus sexagesimarum 11, suntque a primo loco ad principium Scorpionis sexagesime 58 quibus congruunt sexagesime quatuor proxime, has si subtraxerimus a gradibus 21 2′, habebimus in ipso Scorpionis principio maximam stelle vespertinam a Sole distantiam graduum 20 58′.

Verum ut etiam matutinam distantiam, que maxima in principio Tauri fit inveniamus, supponatur primo medius per longitudinem motus distare ad successionem minime longitudinis gradibus 39, ut medius Sol 19 Tauri gradum obtineat et verus 19 38′, describaturque similis figura que habeat epicyclum ad successionem minime longitudinis et tangentem lineam ad matutinam epicycli partem productam. Quoniam igitur secundum expositum motum angulus DBF talium supponitur 39 qualium quatuor recti sunt 360, per premissaque demonstratur DGE quidem angulus 40 57′ eorundem, GE autem linea distantie istius talium 55 59′ qualium