58′. Quare centrum Lune Lunae] post corr. G distabat exacte a puncto verticis gradibus 49 48′ et perspiciebatur distare 50 55′. Luna ergo secundum distantiam progressus expositi unius gradus et septem sexagesimarum diversitatis aspectum habuit in circulo maximo qui per polos orizontis et ipsam describitur, cum exacte a puncto verticis gradibus 49 48′ distaret.

His hoc modo expositis, describantur in superficie illius qui per polos Lune ac orizontis est maximi circa idem centrum circuli terre quidem maximus circulus AB, circulus vero per centrum Lune in observatione GD, et ille ad quem terra quasi punctum est FIT, sitque commune omnium centrum punctum C, et sit linea que per puncta verticis transit CAGE, et supponatur Luna esse in puncto D distans exacte a G puncto verticis expositis gradibus 49 48′, et coniungantur linee CDI et ADT, et ad hec a puncto A quo visus perspicientium est deducantur perpendicularis quidem ad lineam CB linea AL, equidistans vero linee CI linea AF. Perspicuum igitur est quod Luna per arcum IT aspectum ex A perspicientium inmutavit. Erit igitur hic arcus gradus unius et sexagesimarum septem, ut per observationem perspeximus, sed quoniam FT arcus insensibili differentia maior est quam arcus TI, propterea quod tota terra quasi punctum est ad EFIT circulum, erit etiam arcus FIT eorundem 1 7ʹ proxime. Quare angulus quoque FAT, quoniam rursus A punctum non habet sensibilem differentiam, sed quasi centrum est ad circulum FT talium erit 1 7′ qualium quatuor recti sunt 360, qualium vero duo recti sunt 360 talium 2 14′. Est autem isti equalis angulus ADL eorundem 2 14′, erit ergo arcus AL talium 2 14′ qualium est circulus qui ADL rectangulo circumscribitur 360, ipsa vero linea AL talium 2 21′ qualium est AD diameter 120. Sed hac indifferenter LD linea minor est, quare qualium est LA linea 2 21′, talium etiam erit LD linea 120 proxime. Rursus quoniam GD arcus graduum esse supponitur 49 48′, erit etiam GED angulus qui est in centro circuli talium 49 48′ qualium quatuor recti sunt 360, qualium vero duo recti sunt 360 talium 99 36′. Quare arcus etiam AL talium est 99 36′ qualium est circulus qui ALC rectangulo circumscribitur 360, arcus vero LC reliquorum ad semicirculum 80 24′. Ergo corde quoque sue AL quidem talium erit 99 31′ qualium est AC diameter 120, LC autem earundem 77 27′. Quare, si posuerimus AC lineam que est a centro terre esse unius qualis ipsa unius est talium erit AL 0 46′ et CL similiter 0 39′, sed qualium erat AL linea 2 21′, talium LD linea fuit demonstrata esse 120. Quare qualium est AL linea 0 46′, talium erit etiam linea LD 39 6′. Erat autem etiam earundem CL quidem linea 0 39′, CA vero que est a centro terre unius. Quare qualis unius est CA que est a centro terre talium