gros circulos longitudinis quidem gradus 258 13′, inequalitatis vero 290 58′, si hos acomodate a locis observationum subtraxerimus, habebimus locos stelle Iovis in eodem cum aliis tempore mediorum motuum longitudinis quidem in gradibus Libre 4 41′, inequalitatis vero a maxima epicycli longitudine 146 4′, et per eadem maximam longitudinem excentricitatis ipsius in gradibus Virginis 2 9′.

〈XI.5〉 Capitulum V : Demonstratio excentricitatis Saturni et maxime longitudinis eius

Sed iam cum reliquum ad pertractandum hunc locum sit, ut stelle Saturni inequalitates et locos demonstremus, primum rursus ad maxime longitudinis et excentricitatis considerationem tres, tres] sunt add. et del. A sicut etiam in aliis, stelle situs stationesque ad medium Solis motum diametraliter oppositas cepimus, quarum primam astrolabicis observavimus instrumentis anno Adriani 1^o Parchon secundum Egyptios die 7^o sequente 8^o vesperi, fuitque fuitque] post corr. G in Libre gradu uno et sexagesimis 13, alteram anno Adriani 17 Epiphi secundum Egyptios 18^o, exacte autem oppositionis et tempus et locum per observationes precedentes sequentesque cepimus, invenimusque fuisse post meridiem diei 18^e quatuor horis in gradibus Sagittarii 9 40′, tertiam oppositionem 20 anno Adriani Messori secundum Egyptios die 24^a observavimus, tempusque oppositionis exacte fuisse similiter computavimus in ipsa meridie diei 24^e locum etiam in Capricorni gradibus 14 14′.

Prima igitur harum distantiarum que est a prima oppositione ad secundam annos continet egyptiacos 6 et dies 70 et horas 22 et gradus apparentis stelle motus 68 27′, a secunda vero ad tertiam annos similiter egyptiacos 3 et dies 53 et horas 20 et gradus similiter 34 34′. Colliguntur autem medii secundum longitudinem motus universalius considerati temporis quidem prime distantie graduum 75 43′, secunde vero 37 52′. His distanciis suppositis, que proposita rursus sunt per idem theoreuma, ut in uno prius excentrico, demonstramus hoc modo.

Designetur enim, ne sepius eadem repetamus, similis eiusdem demonstrationis descriptio. Et quoniam BG arcus excentrici 34 34′ zodiaci gradus subtendere supponitur, erit profecto etiam angulus BDG, hoc est EDI, qui est in centro zodiaci talium 34 34′ qualium quatuor recti sunt 360, qualium vero duo recti sunt 360, talium 69 8′. Quare arcus quoque linee EI talium erit 69 8′ qualium est circulus qui DEI rectangulo circumscribitur 360, linea vero EI talium 68 5′ qualium est DE que rectum angulum subtendit 120.