in puncto X ipsius circuli NX, appareretque in EX linea precedens situm A puncti 9 sexagesimis. Obtineret igitur unum gradus Libre et sexagesimas quatuor.

Designetur rursum secunde oppositionis in simili demonstratione descriptio ad successionem maxime longitudinis figurata. Quoniam igitur NX arcus excentrici 19 51′ graduum demonstratus est, erit etiam angulus NFX tum ipse tum DFI, qui est in vertice ipsius, talium 19 51′ qualium quatuor recti sunt 360, qualium vero duo recti sunt 360, talium 39 42′. Quare arcus quoque linee DI talium erit 39 42′ qualium est circulus qui rectangulo DFI circumscribitur 360, arcus vero linee FI 140 18′ reliquorum ad semicirculum. Corde igitur etiam sue DI quidem talium est 40 45′ qualium DF que rectum angulum subtendit 120, corda vero FI 112 52′ earundem. Qualium igitur est DF linea 3 34′ et DB semidiameter excentrici 60, talium etiam DI erit 1 13′ et FI 3 21′. Et quoniam quadratum linee DI subtractum a quadrato linee DB facit quadratum linee BI, erit etiam ipsa BI 59 59′ proxime earundem. Et similiter quoniam FI linea equalis est linee IT, et ET dupla ad DI, habebimus etiam lineam TB totam talium 63 23′ qualium est ET 2 26′, idcirco etiam EB que rectum angulum subtendit 63 23′ earundem est. Quare qualium est ipsa BE que rectum subtendit 120, talium erit ET 4 36′ et arcus suus talium 4 24′ qualium est circulus qui BET rectangulo circumscribitur 360, et sic angulus quoque EBT talium erit 4 24′, qualium duo recti sunt 360. Similiter quoniam qualium est XF semidiameter excentrici 60, talium FT linea colligitur 6 42′, erit tota linea XT talium 66 42′ qualium ET supponebatur 2 26′, idcirco etiam EX que rectum angulum subtendit 66 45′ earundem erit. Qualium igitur est EX que rectum subtendit 120, talium ET erit 4 23′ et arcus suus talium 4 12′ qualium est circulus QETX rectangulo circumscribitur 360. Quare angulus quoque EXT talium est 4 12′ qualium duo recti sunt 360. Est autem demonstratus angulus etiam EBTX 24 earundem, et reliquus igitur BEX 0 12′ earundem erit, qualium vero quatuor recti sunt 360, talium 0 6′. Patet igitur etiam hic, quoniam in secunda oppositione stella apparens in EB linea 9 40′ gradus Sagittarii obtinebat, quod, si in linea EX appareret, 9 46′ eiusdem gradus obtineret. Fuit autem demonstratum quod etiam in prima oppositione gradus 1 et sexagesimas quatuor Libre similiter obtinuisset. Quare perspicuum est quod apparens distantia que est a prima oppositione ad secundam, si ad excentricum NX consideraretur, colligeret profecto 68 42′ gradus zodiaci.

Designetur similiter tertie oppositionis descriptio in eadem