et sic ab apparente minima epicicli gradus colliguntur 32 46′, a maxima vero prime quidem stationis 147 14′, quos in ordine 11 penes numerum 360 conscribemus, secunde vero stationis gradus 212 46′, quos in ordine 12^o in eodem versu apponemus.

Similiter quoniam, quando 11 22′ periodicis epicyclus gradibus distat a minima, tunc standi phantasiam stella facit, distatque ab apparente minima epicycli gradibus 35 30′, et sic excessus ad mediam fit gradus 1 et sexagesimarum 34, longitudinum vero minima quidem talium est 55 34′ qualium media 60, harumque excessus 4 26′, longitudo autem in preposita a minima longitudine distantia 55 52′ proxime earumdem, et excessus eius ad mediam 4 18′, multiplicatis rursum 4 26′ in 0 34′, factumque numerum per 4 18′ partiti invenimus excessum qui fit in ipsa minima ad mediam 0 35′, ac idcirco motum quidem ab apparente minima epicycli graduum 35 31′, a maxima vero prime quidem stationis 144 29′, secunde autem 215 31′, quos in eisdem quidem ordinibus sed non penes 180 numerum apponemus, sed penes 120 et 240, propterea quod in his minime excentricitatis Mercurii longitudines demonstrate sunt.

His ita expositis, consequenter ad hanc doctrinam motuum quoque qui inter hos sunt differentie colliguntur. Proponatur enim exempli causa invenire apparentis inequalitatis motus qui in primis stationibus fiunt, quando medius secundum longitudinem motus 30 gradibus a maxima longitudine distat, in quo situ distantia epicycli qualium media omnium est 60 talium in Saturno quidem, ut diximus, colligitur 63 2′, in Iove autem 62 26′, in Marte 65 24′, in Venere 61 6′, in Mercurio 66 35′, et sic singularum excessus ad mediam secundum expositum ordinem, ne sepe repetamus, est 3 2′ et 2 26′ et 5 24′ et 1 6′ et 6 35′. Sunt autem etiam excessus ipsarum maximarum longitudinum ad medias, propterea quod maiores in omnibus proposite longitudinis quam ipsius medie numeri sint, earundem 3 25′ et 2 45′ et 6 0′ et 1 15′ et 2 9′. Quoniam igitur graduum apparentis inequalitatis integri excessus maximarum longitudinum ad medias secundum eundem ordinem colligunt gradus 1 23′ et 1 33′ et 5 41′ et 1 17′ et 2 10′, multiplicatis singulis congruenter in excessum date tunc distantie singularum stellarum ad medium, ut verbi gratia 1 23′ in 3 2′, factum hinc numerum per excessum maxime distantie, ut per 3 25′, partiti habuimus excessus graduum inequalitatis in proposito longitudinis motu