linee BI ad lineam IF proportio velocitatis epicycli ad stelle velocitatem. Quare angulus qui eam habet proportionem ad angulum CEI quam velocitas epicycli ad velocitatem stelle maior est angulo IFC. Sit igitur angulus IFN. Quoniam igitur in tempore in quo stella CI arcum epicycli transit, in eo tempore centrum epicycli pertransivit ad contrarium equalem arcum distantie que est ab FI ad FN, patet quia in eo tempore per minorem angulum ad visum nostrum CI epicycli arcus ad precedentia stellam traduxit, traduxit] corr. ex traducit G hoc est per angulum IFC, angulo per quem ipse epicyclus motu suo ad successionem transtulit, hoc est angulo IFN, et sic stella ad successionem facta est per angulum CFN.

Similiter si hec in excentrico ratiocinemur, quoniam BI linea ma〈i〉orem maiorem] maorem A proportionem habeat ad lineam IF quam angulus IFC ad angulum CBI, et coniunctim ergo linea BF maiorem habebit proportionem ad lineam FI quam angulus BCL ad angulum IBC. Sed sicut BF ad FI, sic DT ad TI. Est autem etiam BCL angulus equalis angulo DCM et angulus IBC angulo IDC. Maiorem ergo etiam DT habebit proportionem ad TI quam angulus DCM ad angulum IDC, quare coniunctim quoque DI linea maiorem habebit proportionem ad IT quam angulus ITC ad angulum IDC, et disiunctim ergo medietas linee DI maiorem habebit proportionem ad lineam IT quam angulus ITC ad angulum duplum anguli IDC, hoc est ad angulum IEC. Est autem proportio medietatis linee DI ad TI velocitatis excentrici ad stelle velocitatem. Minorem igitur habebit proportionem angulus ITC ad angulum IEC quam excentrici velocitatis ad stelle velocitatem. Angulus ergo qui eandem habet proportionem ad angulum IEC quam habet velocitas excentrici ad velocitatem stelle maior est angulo ITC. Sit rursum angulus ITN. Quoniam igitur in eodem tempore stella quidem per CI arcum ad precedentia mota fecit angulum CEI et a motu excentrici ad successionem translata est per angulum ITN maiorem angulo CTI, perspicuum est quod etiam sic ad successionem per angulum CTN pertransisse stella videbitur.

Facile autem intellectu est quod per eadem contrarium quoque demonstrabitur, si in eadem descriptione medietatem quidem LC linee ad lineam CF eam habere proportionem supposuerimus, quam habet epicycli velocitas ad stelle velocitatem, ut medietas etiam linee MC sic se habeat ad lineam TC, sicut velocitas excentrici ad stelle velocitatem, arcum vero CI versus