Qualium ergo est EF linea que inter centra est 10 19′ et linea que est a centro excentrici 49 49′, talium erit EI quidem 8 56′, FI autem 5 10′ earundem, et quoniam, si a quadrato EB linee EI linee quadratum subtraxeris, redditur quadratum BI, erit etiam utraque BI et ID 48 53′. Quare tota etiam FB linea talium erit 54 3′, qualium est FA primorum terminorum 60, et FG secundorum 39 22′, et excessus harum 20 38′, et reliqua FD 43 43′ earundem. Quoniam ergo 60 numerus excedit 54 3′ quidem per 5 57′, que fiunt totius differentie 20 38′ sexagesime 17 18′, at vero at vero] post corr. G 43 43′ excedit per 16 17′ que similiter 20 38′ totius differentie sexagesime fiunt 47 21′, apponemus in nono ordine ad 30 quidem numerum distantie 17 18′, ad numerum autem 120, hoc est rursus ad numerum 60, ponemus 47 21′, propterea quod cum minima longitudo ad nonaginta gradus sit sexaginta graduum distantia distantie 120 graduum equipolet.

Eodem modo in ceteris quoque arcubus sexagesimas differentiarum computantes secundum expositos tres excessus per duodecim partes que rursum fiunt in numeris tabule partes sex, propterea quod 180 gradus qui sunt a maximis ad minimas longitudines 90 gradibus tabule continentur, apposuimus congrue in quolibet demonstratorum numerorum sexagesimas lineis collectas, partium autem interiacentium numeros incremento equali in excessu sex partium fecimus, nulla enim in tanto excessu differentia de qua curandum sit a numeris per lineas demonstratis invenitur, nec in sexagesimis, nec in ipsa diversitate aspectuum.