inequalitatem zodiaci separatam seorsum per seipsam invenimus, cum nulla nulla] post corr. G tunc penes inequalitatem ad Solem differentia fiat.

Sit enim excentricus stelle circulus ABG in quo centrum epicycli defertur cuius centrum D, et diameter que per maximam longitudinem est sit AG, in qua E quidem punctum zodiaci centrum, sit F autem centrum excentrici ad quem medius epicycli secundum longitudinem motus consideratur, descriptoque circa B centrum ITCL epicyclo, coniungantur FLBT et IBCM linee; dico igitur quod, quando stella secundum EI lineam que est per B centrum epicycli cernitur, semper etiam medius Solis motus in eadem linea erit, cunque stella fuerit in I, tunc medio motui Solis coniungitur, quoniam et ipse ad punctum I perspicitur, cum vero fuerit in C, diametraliter sibi opponetur, quoniam ad punctum M percipiatur. Nam quoniam in singulis stellis istis medie longitudinis inequalitatisque distantie simul capte medium Solis motum qui ab initio fuit efficiunt, estque anguli qui est in F centro qui equalem longitudinis stelle motum continet et anguli qui est in E qui apparentem continet excessus semper angulus qui fit in B qui continet equalem stelle motum qui fit in epicyclo, patet quia, quando stella est in I puncto, deficiet a restitutione que est in puncto maxime longitudinis T per angulum IBT, qui subtractus ab angulo AFB facit angulum EI qui continetur a medio motu Solis et idem est angulo apparentis stelle, quando vero in C puncto est, tunc mota erit rursus in epicyclo per angulum TBC, qui compositus cum angulo AFB faciet medium Solis motum a puncto A maxime longitudinis, is motus semicirculum continet et amplius AFB angulum, deficiente angulo LBC, hoc est angulum GEM.

Idcirco in talibus quidem aspectibus tum linea que a centro epicycli B ad stellam protrahitur, tum linea que a puncto E, hoc est a visu nostro, ad medium Solis motum educitur in unam et eandem utreque utraeque] post corr. G lineam concidunt, in ceteris autem omnibus distanciis, quamvis differentes faciant declinationes, semper tamen equidistantes inter se sunt.

Nam si in quovis situ in posita descriptione lineam a centro B ad stellam protraxerimus, ut lineam BN, a centro autem E ad medium Solis motum lineam EX, erit propter predicta angulus EX utrisque angulis AFT et NBT equalis. Est autem etiam AFT utrisque EI et IBT equalis, quare subtracto EI angulo communi, reliquus IEX reliquo IBN equalis