PAL

Ptolemaeus Arabus et Latinus

_ (the underscore) is the placeholder for exactly one character.
% (the percent sign) is the placeholder for no, one or more than one character.
%% (two percent signs) is the placeholder for no, one or more than one character, but not for blank space (so that a search ends at word boundaries).

At the beginning and at the end, these placeholders are superfluous.

Ptolemy, Almagesti (tr. Gerard of Cremona)

Venice, Petrus Liechtenstein, 1515 · 139v

Facsimile

revolutionis, est 43 partes et 10 minuta erit linea GK, scilicet linea LT, pars una et minutum unum et linea RL reliqua 42 partes et 9 minuta secundum partes quibus linea GR, que est a centro orbis egredientis centri, est posita 60 partes. Ergo secundum partes quibus chorda GR est 120 partes erit linea RL 84 partes et 18 minuta et arcus qui est super eam 89 partes et 16 minuta secundum partes quibus circulus qui describitur circa triangulum GRL ortogonium est 360 partes. Quapropter erit angulus RGL etiam 89 partes et 16 minuta secundum partes quibus duo anguli recti sunt 360 partes. Angulus vero DGK secundum istas partes est 70 partes, et angulus LGK est rectus. Ergo angulus RGD aggregatur 339 partes et 16 minuta, et erit angulus AGR reliquus secundum istas partes 20 partes et 44 minuta. Quapropter erit arcus qui est super lineam BM 20 partes et 44 minuta secundum partes quibus circulus qui describitur circa triangulum BGM ortogonium est 360 partes, et erit arcus qui est super lineam GM partes relique ad complendum semicirculum, et sunt 159 partes et 16 minuta. Duarum ergo linearum que subtenduntur eis linea quidem BM erit 21 partes et 35 minuta secundum partes quibus chorda BG est 120 partes, et linea GM erit secundum istas partes 118 partes et duo minuta. Quapropter secundum partes quibus linea BG est pars una et 15 minuta et linea GR, et est a centro orbis egredientis centri, est 60 partes est linea BM 13 minuta, et linea GM secundum illud exemplum est pars una et 14 minuta, et linea MR reliqua 58 partes et 46 minuta. Et propter illud erit chorda BR secundum istas partes 58 partes et 46 minuta. Ergo secundum partes quibus linea BR est 120 partes erit linea BM 27 minuta et arcus qui est super eam 26 minuta secundum partes quibus circulus qui describitur circa triangulum BRM ortogonium est 360 partes. Quapropter erit angulus BRM etiam 26 minuta secundum partes quibus duo anguli recti sunt 360 partes. Iam vero ostensum fuit quod angulus AGR secundum istas partes est 20 partes et 44 minuta. Ergo angulus ABR, et est angulus cursus equalis in longitudine, secundum partes quibus duo anguli recti sunt 360 partes est 21 partes et 10 minuta, sed secundum partes quibus quatuor anguli recti sunt 360 partes est 10 partes et 35 minuta. Longitudo igitur Solis per cursum medium a longitudine longiore que est super punctum A antecedit 10 partibus et 35 minutis. Et manifestum est quod ipse est secundum cursum medium super 14 partes et 25 minuta Tauri. Et est eius cursus secundum veritatem super 15 partes et 14 minuta eius. Quapropter erit plurimum quo elongatur hec stella in matutino, cum est in principio Arietis, a Sole per cursum suum verificatum 45 partes et 14 minuta.

Deinde ponam formam que sequitur hanc, ita ut hec linea contingens iam protracta sit ad partem orbis revolutionis vespertinam sequentem secundum quod stella posita sit secundum illud exemplum in principio Arietis. Propter illud igitur cuius precessit declaratio remanet angulus ADT secundum habitudinem suam, et est angulus DGK 70 partes secundum partes quibus duo anguli recti sunt 360 partes, et erit linea GK, scilicet linea LT, pars una et minutum unum secundum partes quibus linea GR, et est ea que est a centro orbis egredientis centri, est 60 partes, et erit linea RT, et est ea que est a centro orbis revolutionis, 43 partes et 10 minuta. Propter illud igitur aggregatur linea RL tota secundum istas partes 44 partes et 11 minuta. Et manifestum est quod secundum partes quibus linea GR subtendens est 120 partes erit linea RL 88 partes et 22 minuta et arcus qui est super eam 94 partes et 51 minuta secundum partes quibus circulus qui describitur circa triangulum GRL ortogonium est 360 partes. Quapropter erit angulus RGL 94 partes et 51 minuta secundum partes quibus duo anguli recti sunt 360 partes, et erit angulus RGK partes relique ad complendum angulum rectum, et sunt 85 partes et 9 minuta. Ergo erit angulus totus RGD, scilicet angulus BGM, secundum istas partes 155 partes et 9 minuta. Et propter illud erit etiam arcus qui est super lineam BM 155 partes et 9 minuta secundum partes quibus circulus qui describitur circa triangulum BGM ortogonium est 360 partes, et erit arcus qui est super lineam GM partes relique semicirculi, et sunt 24 partes et 51 minuta. Duarum igitur linearum que subtenduntur eis linea quidem BM est 117 partes et 11 minuta secundum partes quibus chorda BG est 120 partes et linea GM secundum istas partes 25 partes et 49 minuta. Quapropter erit secundum partes etiam quibus linea GB est pars una et 15 minuta linea BM pars una et 13 minuta et linea GM secundum illud exemplum 16 minuta. Ergo linea MR tota est 60 partes et 16 minuta. Et propter illud erit chorda BR secundum istas partes 60 partes et 16 minuta. Ergo secundum partes quibus linea BR est 120 partes erit linea quidem BM due partes et 25 minuta, et arcus quidem qui est super eam erit 2 partes et 19 minuta secundum partes quibus circulus qui describitur circa triangulum BRM ortogonium est 360 partes, et erit propter illud angulus BRM etiam due partes et 19 minuta secundum partes quibus duo anguli recti sunt 360 partes. Sed angulus BGR secundum istas partes est 204 partes et 51 minutum, propterea quod angulus DGR iam ostensum est quod est secundum istas partes 155 partes et 9 minuta. Ergo angulus ABR totus, et est angulus cursus equalis in longitudine, secundum partes quidem quibus duo anguli recti sunt 360 partes aggregatur 207 partes et 10 minuta et secundum partes quidem quibus quatuor anguli recti sunt 360 partes 103 partes et 35 minuta. Cursus igitur Solis medii locus est super 11 partes et 25 minuta Aquarii, secundum veritatem vero super 13 partes et 38 minuta eius. Plurimum igitur quod elongatur hec stella in ves