angulos constantes ex hiis angulis equalibus et angulis inequalibus in equales arcus arcus] followed by an unclear letter crossed out by the scribe P epicicli donec transeat A centrum per punctum Z quod est longitudo propior. Verbi gratia: Cum A centrum reliquerit punctum C et venerit ad Q erit motum super AEQ angulum. Si ergo tunc fuerit centrum stelle elongatum a puncto T usque in punctum H, iverit super angulum HET et apparens motus videbitur factus super angulum ex hiis duobus compositum. Cum vero A centrum stelle transierit per punctum Z tunc, si diminuatur angulus super quem movetur centrum stelle ab angulo super quem movetur centrum epicicli, remanebit angulus super quem videbitur fieri motus apparens. Manifestum est hoc nec minus apparet inequalitas motuum apparentium si moveantur centra, alterum versus K a puncto T et alterum versus D ex puncto C. Sed accidet hic contrarium ei quod dictum est. Ponam iterum quod A centrum epicicli sit in linea TEG et centrum stelle sit in puncto T et moveantur A versus B et centrum stelle versus K. Tunc ergo ab angulis motus equalis super quos movetur centrum epicicli diminuentur anguli super quos movetur centrum stelle et remanebunt anguli super quos fit motus apparens. At illi diversi inter se. Maiores enim sunt illi super quos movetur iuxta longitudinem longiorem centrum stelle. Sed cum ab equalibus demuntur inequalia inequalia] corr. ex equalia P remanent inequalia. Propter hoc inequales sunt anguli motus apparentis et ideo ipse est diversus. Hinc videbis quod ponit prior pars huius, si consideraveris figuras. Igitur ecentricitas ecentricitas] circuli i. m. P stelle et positio orbis revolutionis super orbem stelle sunt due radices ex quibus procedit diversitas in motu[m] apparente.
Ex hiis que premissa sunt patet id quod dicit Ptholomeus. Quod si corpus stelle movetur in ecentrico, tunc motus apparens minor est iuxta longitudinem longiorem et maior iuxta propiorem. Hoc autem planum est dato quod stella habeat epiciclum positum super orbem suum. Ad hoc enim se habet res ad utrumlibet. Si enim centrum stelle et centrum orbis revoluti moveantur in eandem partem in predicamento motus incepti a longitudine longiori orbis revoluti, tunc in prima medietate circuli revoluti augentur anguli super quos movetur centrum stelle ad angulos super quos movetur centrum epicicli et componuntur ex eis anguli apparentis motus. Sed quanto vicinior est stella longitudini longiori in epiciclo tanto super maiores angulos movetur et ita maiores anguli adduntur et ideo maior est tunc motus apparens iuxta longitudinem longiorem epicicli et minor iuxta longitudinem propiorem. Cum vero transierit stella longitudinem propiorem tunc anguli super quos movetur stella diminuuntur ab angulis super quos movetur centrum epicicli et remanent anguli motus apparentis. Sed quantomagis apropinquat stella ad longitudinem longiorem epicicli tanto magis crescunt anguli super quos movetur stella et ita tanto maius aufertur et minus relinquitur propter quod tunc fiunt anguli motus apparentis maiores iuxta propinquam longitudinem et minores iuxta longitudinem longiorem. Quod si ponatur centrum epicicli moveri in partem unam et stella in diversam partem, tunc in primo exitu a longitudine auferuntur anguli super quos movetur stella ab angulis super quos movetur centrum epicicli et remanent anguli motus apparentis. Cum vero stella transierit longitudinem propiorem fiet econtrario. Addentur scilicet hii anguli super illos. Patet autem ex iam dictis ubi maiores et ubi minores anguli addantur vel auferantur et ex hoc manifestum est quod hic dicitur. Si dubitas pinge figuram et in ipsa videbis omnia illa que dicta sunt.