tempus quo Sol movetur a puncto quod est sub equalitate vernali usque ad punctum quod est sub conversione estiva esse cum 4 dierum et 30 minutorum. Tempus vero quo movetur Sol inde ad equalitatem autompnalem esse minus duobus diebus et scivit per hoc locum angis esse inter duo puncta vernalis equalitatis et estive conversionis quia, ut preostensum est, circa angem tardior est motus. Dat etiam Ptholomeus motui Solis Solis] followed by two words crossed out by the scribe: qui est P ex puncto quod est sub puncto equalitatis autompnalis usque ad punctum subpositum hyemali conversioni 88 dies et octavam diei. Motum vero ab hoc puncto usque ad punctum suspiciens equalitatem vernalem dicit perfici in 90 diebus et octava diei. Colligitur ex hoc istorum quatuor temporum differentia.

〈III.9〉 9. Cum notum fuerit utrumque duorum temporum in quibus Sol movetur a puncto subposito equalitati vernali ad punctum subiectum conversioni estive et deinde ab illo puncto ad punctum quod est in directo equalitatis autompnalis nota erit ecentricitas et notus erit locus angis in zodiaco. Habebitur quoque utriusque temporis noticia illius, scilicet quo movetur Sol ab equalitate autompnali ad conversionem hyemalem, et illius quo inde revertitur ad equalitatem vernalem.

Pingam ad hoc ABGD orbem signorum cuius centrum E et intra eum orbem ecentrici ZHT circa centrum N et ducam duos dyametros orbis signorum se orthogonaliter secantes quorum alter sit AG coniungens A punctum vernalis equinoctii puncto G autompnalis equalitatis, alter BD ductus inter B conversionis estive punctum et D punctum tropici hyemalis. Ducam etiam dyametrum ecentrici qui sit LF equidistans linee AG et alium eiusdem ecentrici dyametrum QP equidistantem linee BD et secantem AG lineam in puncto C. Puncta quoque ecentrici supposita punctis conversionum B et D sint H et K. Puncta vero que sunt in directo equalitatum A et G sint Z et T. Ducam etiam lineam EN inter duo centra et educam eam hinc inde et necesse est eam ire ad punctum longitudinis longioris quod sit M quod est necessario inter puncta A et B et ibit ex alia parte ad longitudinem longitudinem] followed by one word crossed out by the scribe: longiorem P propiorem que sit punctum X. Dico modo notam esse lineam EN respectu totius dyametri et dico notum esse punctum zodiaci cui supponitur longitudo longior que est punctum M. Sit autem punctum zodiaci S. Notus est enim arcus ZHT quia notum est tempus medii motus in eo. Hic patere potest ex dictis in probatione prime huius. Sed notus est arcus LHF quia est medietas ecentrici. Ergo noti sunt duo arcus ZF et LT. Sed ipsi sunt equales, ergo uterque notus. Ergo linea NC que est sinus arcus ZF est nota. Sed etiam notus est arcus ZH quia notum tempus motus in eo. Ergo notus est arcus QH quia nota est quarta FQ. Est igitur linea EC nota que est sinus noti arcus HQ. Ergo quadrata linearum NC et EC sunt nota, ergo quadratum linee EN notum, ergo ipsa nota, quod est unum propositorum. Item oportet hoc notam esse esse] followed by one word crossed out by the scribe: lineam P angulum NEC. Ergo notus est arcus AS et notum est punctum A. Ergo notum est punctum S et hoc etiam erat ex probandis. Est autem linea EN due partes et 29 minuta secundum quantitatem qua est dyameter orbis ecentrici 120 partes. Arcus vero AS est 65 gradus et 30 minuta. Est igitur maxima elevatio ecentrici Solis sub medio puncto sexti gradus geminorum. Sic volunt Geber et Ptholomeus. Alii tamen aliter ponunt quantitatem arcus interiacentis punctum Arietis et locum maxime elevationis ecentrici [ecentrici]. Item notus est arcus LTKP. Est enim quarta ecentrici et noti sunt arcus LT et KP ex dictis. Ergo notus est