mus culminantem signiferi partem et amplius praecedentem et insequentem, primum contemplabimur praecedentis situm, quot temporalibus distet a meridiano, numerantes quae inter illam et coelum medium intersint sive supra terram sive subtus in recta sphaera ascensiones, et dividentes in multitudinem horariorum temporum ipsius partis praecedentis, siquidem supra terram fuerit, diurnorum, sin minus, nocturnorum. Et quoniam quae eiusdem temporalibus horis distant a meridiano signiferi partes sub eodemque continentur praedictorum semicirculorum, spectare oportebit post quot aequinoctialia tempora sequens locus paribus horis distabit a meridiano eodem. Quas postquam collegerimus, videbimus quot secundum eum qui prioris partis erat situm aequinoctialibus temporibus abest pars sequens a medio coelo, per ascensiones iterum in recta sphaera collectas, et quotquot aequales horas reddit praecedens. Multiplicantes in multitudinem horariorum temporum partis sequentis, siquidem ad coeli medium comparatio fiat diurnorum, si vero ad coeli imum nocturnorum, cum exorta ex superatione utriusque distantiae tempora acceperimus quaesitorum annorum multitudo innotescet.

〈Commentarius〉

Ascendentis partes 17. minuta 22. divide partes 53. minuta 23. per partes 17. minuta 23. exeunt horae 3. minuta 5. distantiae loci Lunae a coeli medio, sed de hoc actum est supra, et inferius etiam dicemus. Et hic modus est etiam aptus ad fabricandas domos more antiquo cum undecima et tertia differant, a coeli medio horis duabus duodecima et secunda quatuor intelligendo per coeli medium etiam imum.

Textus XLIII: Exemplum

Ut evidentius fiat quod diximus, ponatur praecedens locus initium Arietis verbi gratia, sequens Geminorum principium, regio vero ubi maximus dies est horarum quatuordecim, horaria igitur magnitudo initii Geminorum est temporum aequinoctialium septendecim et 8 scrupulorum proxime. Et oriatur primum initium Arietis, ita ut M.C. occupet initium Capricorni, et dissideat a coeli fastigio Geminorum principium 148.47. Cum igitur Arietis initium distet a meridiano horis temporalibus senis, has ducentes in 17.8. quae sunt tempora horariae magnitudinis principii Geminorum, quandoquidem a coeli culmine est temporum 148 distantia, habebimus et huius distantiae tempora 102.48; post superationis huius tempora 46. locus sequens in praecedente fertur. Tot vero sunt etiam ascensionis tempora proxime Arietis et Tauri, posteaquam locus apheticus in horoscopo ponitur. Ponatur similiter M.C. occupare initium Arietis, ut absit secundum primam positionem principium Geminorum a coeli culmine temporibus aequino-