verticis et centrum Lune maximo descripto, ab hac semper subtrahentes solarem diversitatem in eodem versu conscriptam discernemus a reliqua, sicut demonstratum est, per angulum qui invenitur in sectione zodiaci et circuli maximi per punctum verticis descripti et que colligitur longitudinis solum diversitas erit. Cui semper addentes congruentem contentis ab ipsa equinoctialibus temporibus superdiversitatis differentiam, hoc est ipsius excessus duarum adiacentium diversitatum qui in eadem tabula invenitur diversitatis dico distantie que est a puncto verticis et illius que est cum equinoctialium temporum additione, que rursus diversitati soli secundum longitudinem conveniunt cum tota earum parte, si sensibilis sit, quota pars prime diversitatis ipse sunt, tandem partibus totius per longitudinem diversitatis que ita colligentur duodecimam rursus partem suam pro solari motu addemus, et totum collectum numerum in horas equales per partitionem inequalium huius hore Lune motuum qui in ipsa coniunctione fiunt resolvemus, et si diversitas secundum longitudinem ad successionem signorum fit, —iam enim demonstravimus quomodo id discernendum est—, tunc partes quidem que in horas equales fuerant resolute a vero Lune loco qui tempore coniunctionis equatus est aufferemus seorsum a a] corr. ex ad G longitudinis et latitudinis atque inequalitatis, et sic habebimus veros Lune motus in tempore apparentis coniunctionis, ipsis autem horis dicemus prius apparentem coniunctionem quam veram fore. Sin autem diversitas longitudinis ad precedentia signorum sit, tunc partes quidem econtra addemus motibus Lune in vere coniunctionis tempore equatis longitudinis rursum et latitudinis et inequalitatis seorsum, horas vero habebimus quot apparens posterior erit quam vera. Rursus igitur per horas equales quibus apparens coniunctio distat a meridiano eisdem viis primum quanta sit diversitas Lune ad circulum qui maximus per punctum verticis et ipsam describitur investigabimus, subtrahemusque a diversitate inventa Solis diversitatem que ipsi eidem numero adiacet, et ab ea que relinquitur similiter ex angulo qui tunc in sectione circulorum invenitur diversitatem latitudinis que fit quasi in circulo qui ad rectos zodiaci angulos describitur diligenter capiemus, partesque collectas in duodecim multiplicantes ad congruentes obliquo circulo gradus reducemus, gradusque collectos, si latitudinis diversitas ad septentrionem circuli per medium sit, cum Luna in eodem ascendente nodo inveniatur, inveniatur] corr. ex invenitur G addemus latitudinis motui quem in tempore apparentis