tatem circumferentiarum incidentes semicirculos in ipsis incisionibus in 180 partes dividemus. His ita factis, minorem quidem circulorum illum semper futurum supponentes qui per utriusque polos est equinoctialis dico atque zodiaci et preterea per puncta solstitialia in dicte incisionis superficie perforabimus diametraliter in medio iuxta extremitates incisionis, paxillisque ad captos in sphera circuli per medium polos ita firmabimus, ut per totam superficiem sphericam facile possint circumduci.

Verum ut permanens quidam initium constellationis fixarum capiamus, non enim commodum est in ipso huius sphere zodiaco solstitialia et equinoctialia puncta signare, cum stellarum distantie collocandarum non eedem eedem] post corr. G ad ipsas serventur, fulgentissimam omnium ipsarum eam, dico, que in ore Canis est in circulo qui ad rectos in zodiaco angulos describitur signabimus in parte que initium divisionis fecit, gradusque asscribemus, quibus secundum latitudinem a circulo per medium distat versus australem polum. Deinde in singulis quoque aliarum consequenter per traductionem circuli circa polos zodiaci qui per incisionem divisus est id ipsum assignabimus. Adducentes enim semper superficiem incisi lateris eius ad punctum circuli qui per medium est quod totidem distat gradibus a principio numerorum in gradu Canis constituto, quot stella quam scribere volumus secundum longitudinem distat a Cane, pervenientesque ad punctum educti divisique lateris quod rursus totidem a circulo qui per medium est gradibus distat, quot etiam stella in hac hac] corr. ex hoc G conscriptione accomodatius vel ad borealem vel ad australem polum zodiaci distat, locum stelle in ipso assignabimus citrinum citrinum] post corr. G deinceps aut distinctum alium colorem commode atque consequenter ad magnitudines singularum adhibentes.

Figuras tamen singularum formationum in singulis sideribus quam maxime simplices faciemus solis lineis stellas comprehendentes que in eadem figura sunt, hisque non multum ab universali sphere colore differentibus, ne aut utilitas signationis ipsarum relinquatur, aut colorum magna varietas effigiei ad veritatem similitudinem destruat. Fiet autem nobis et intellectu et memoratu facilis comperatio speculationis fixarum, si assuescimus nudam cogitationem siderum in spherica effigie adhibere.

Inscribentes autem etiam lactei circuli situm locis atque figuris, ut prediximus, preterea crebritati raritatique apposite, maiorem et circulum semperque pro meridiano futurum mi-