quoque pluribus observationibus 7 40′ proxime, quando epyciclus prope minimam excentrici longitudinem est, maximam inequalitatis invenimus differentiam.

〈V.4〉 Capitulum IIII: De proportione excentricitatis lunaris circuli

Hec cum ita se habeant, sit ABG excentricus Lune circulus, cuius centrum D et diameter ADG, in qua E zodiaci centrum esse supponatur, ita ut A quidem punctum maxima longitudo excentrici sit, G vero minima, describaturque circa centrum G Lune epyciclus FIT FIT] corr. ex fit G et ducatur tangens ipsum linea ETB et coniungatur GT. Quoniam igitur, cum ad tangentem epicyclum lineam Luna pervenerit, maxima inequalitatis differentia fit que demonstrata est graduum esse 7 40′, erit etiam angulus GET, cum sit in centro zodiaci, talium 7 40′ qualium quatuor recti sunt 360, qualium vero duo recti sunt 360 talium 15 20′. Quare arcus quoque GT talium erit 15 20′ qualium est circulus qui triangulo GET circumscribitur 360, et corda sua GT talium 16 proxime qualium GE diameter 120, quare qualium etiam semidiamiter epicycli GT demonstrata est 5 15′, E vero que est a centro circuli qui per medium signorum est ad maximam excentrici longitudinem 60, talium etiam erit EG que est ab eodem centro ad minimam excentrici longitudinem 39 22′. Quare tota AG diameter erit earundem 99 22′, DA vero que est a centro excentrici 49 41′, ED autem que est inter centra zodiaci et excentrici 10 19′, et sic demonstrata nobis est proportio que ab excentricitate continetur.

〈V.5〉 Capitulum V: De lunaris epicycli declinatione

Sed gratia quidem apparentium in aspectibus coniunctionis coniunctionis] Lunae add et del. A ac oppositionis Lune quadraturarumque ad hec usque circulorum expositorum suppositiones quispiam inveniet. A particularibus autem motibus qui inter has distantias sunt in quibus maxime inter minimam et maximam excentrici longitudinem epicyclus invenitur proprium quidam Lune in declinatione sui epicycli accidere invenimus. Nam cum unum et idem universaliter in in] add. s. l. G epicyclis supponi punctum oporteat, ad quod semper restitutiones eorum que moventur in ipsis fieri necesse sit, quod maximam longitudinem mediam appellamus, unde principia quoque numerorum motus epicycli statuimus, ut punctum F in proposita descriptione. Quod punctum determinatur secundum situm maxime minimeque longitudinis excentricorum a linea, que per omnia centra educitur sicut linnea DEG.

In aliis quidem omnibus simpliciter suppositionibus nihil ex apparentibus obiici posse videmus, propterea quod diameter epicycli