epicycli non in hoc excentrico fertur, sed in eo qui describitur centro quo DC linea equaliter dividitur et spatio linee CL, computavimus consequenter sicut et in ceteris differentias distantiarum que in zodiaco apparent, tamquam proportiones eedem proxime sint, si qui epicicli motum ad predesignatum excentricum qui zodiaci inequalitatem facit traduceret.

Designetur enim in simili demonstratione prime oppositionis descriptio ad precedentia L maxime longitudinis figurata. Quoniam ergo NFX angulus equalis secundum longitudinem motus, hoc est angulus DFI, talium quidem 55 52′ demonstratus est qualium quatuor recti sunt 360, qualium vero duo recti sunt 360 talium 111 44′, erit etiam arcus linee DI talium 111 44′ qualium est circulus qui DFI rectangulo circumscribitur 360, arcus vero linee FI 68 16′ ad semicirculum reliquorum. Corde igitur etiam sue DI quidem talium erit 99 20′, qualium est DF que rectum angulum subtendit 120, FI autem 67 20′ earundem. Quare qualium est linea DF que inter centra est 3 34′ et DA excentrici semidiameter 60, talium etiam erit DI 2 57′ et FI 2 0′. Et quoniam quadratum linee DI subtractum a quadrato linee DA facit quadratum linee AI, habebimus etiam ipsam AI 59 56′ earundem. Similiter quoniam FI linea equalis est linee TI, et TE dupla ad ID, erit AT tota talium 61 56′ qualium est ET 5 54′, idcirco etiam E que rectum angulum subtendit 62 13′ erit earundem. Quare qualium est E que rectum subtendit 120, talium etiam erit ET 11 21′, et arcus suus talium 10 51′ proxime qualium est circulus qui ET rectangulo circumscribitur 360. Angulus igitur etiam EAT talium est 10 51′ qualium duo recti sunt 360. Rursus quoniam qualium est ET linea 5 54′, talium FX quoque semidiameter excentrici 60, et FT linea 4, et tota TX 64, habebimus etiam EX que rectum angulum subtendit 64 16′ earundem. Qualium igitur est ipsa EX que rectum subtendit 120, talium erit TE 11 2′, et arcus suus talium 10 33′ qualium est circulus qui rectangulo ETX circumscribitur 360. Quare angulus etiam EXT talium est 10 33′ qualium duo recti sunt 360. Fuit autem etiam angulus EAT demonstratus 10 51′. Erit igitur etiam reliquus EX differentie que queritur angulus talium 0 18′ qualium duo recti sunt 360, qualium vero quatuor recti sunt 360, talium 0 9′. Sed stella in prima oppositione apparebat in E linea gradum unum et 13 sexagesimas Libre obtinens. Patet igitur, si centrum epicicli non deferretur deferretur] corr. ex defferretur G in circulo AL, sed in NX, quod esset