Postquam igitur iam explanate sunt iste res, tunc ponatur etiam forma similis ei que declarata fuit hec intentio hec intentio: Corrupt passage which likewise appears in Paris, lat. 14738 (173r, line 19), but not in the Greek text (see Toomer, loc. cit., 522, line 4 from the bottom). de re Martis excepto quod ponamus eam hic convenientem cursibus qui ponuntur in consideratione, ita ut in ea sit positus orbis revolutionis qui est circa punctum B ante punctum A, quod est longitudo longior, et locus Solis per motum suum medium sit super punctum L post illam longitudinem longiorem parumper, et propter illud sit etiam situs stelle super punctum T post punctum H, quod est longitudo longior orbis revolutionis. Et applicentur secundum illud exemplum linee RBH et BT et EB et TE, et producatur super lineam DB perpendicularis RK et super lineam ET perpendicularis DM et perpendicularis BN et super lineam BN, cum addetur in eius productione in hoc loco, perpendicularis DS, ita ut proveniat ex perpendicularibus superficies equidistantium laterum et rectorum angulorum, et est superficies DMNS. Et quia angulus AET, quem continet quod remanet ad complendum circulum unum, et est circulus orbis signorum, scilicet post 300 partes et 20 minuta, est 59 partes et 40 minuta secundum partes quibus quatuor anguli recti sunt 360 partes et angulus AEL secundum istas partes est due partes et 43 minuta, erit angulus LET totus, scilicet angulus BTE, secundum partes quibus quatuor anguli recti sunt 360 partes 62 partes et 23 minuta et secundum partes quibus duo anguli recti sunt 360 partes 124 partes et 46 minuta. Ergo arcus qui est super lineam BN est 124 partes et 46 minuta secundum partes quibus circulus qui describitur circa triangulum BTN ortogonium est 360 partes, et erit linea BN 106 partes et 20 minuta secundum partes quibus chorda BT est 120 partes. Igitur secundum partes quibus linea BT, que est a centro orbis revolutionis, est 11 partes et 30 minuta erit linea BN 10 partes et 12 minuta. Et etiam quia angulus DEM secundum partes quibus quatuor anguli recti sunt 360 partes iam positus fuit 59 partes et 40 minuta et secundum partes quibus duo anguli recti sunt 360 partes est 119 partes et 20 minuta et angulus MDE reliquus secundum istas partes est 60 partes et 40 minuta, erit arcus qui est super lineam DM 119 partes et 20 minuta secundum partes quibus circulus qui describitur circa triangulum DEM ortogonium est 360 partes, et erit linea DM 103 partes et 34 minuta secundum partes quibus diameter DE est 120 partes. Ergo secundum partes quibus linea DE est due partes et 45 minuta et linea DB, que est a centro orbis egredientis centri, est 60 partes erit linea DM due partes et 23 minuta et linea BSN tota 12 partes et 35 minuta secundum istas partes. Quapropter secundum partes quibus chorda BD est 120 partes erit linea BS 25 partes et 10 minuta et arcus qui est super eam 24 partes et 14 minuta secundum partes quibus circulus qui describitur circa triangulum BSD ortogonium est 360 partes. Angulus ergo BDS erit 24 partes et 14 minuta secundum partes quibus duo anguli recti sunt 360. Ergo angulus DBS reliquus secundum istas partes erit 155 partes et 46 minuta, et angulus BDE totus secundum illud exemplum erit 216 partes et 26 minuta, et angulus BDR reliquus secundum istas partes etiam erit 143 partes et 34 minuta. Quapropter arcus qui est super lineam RK erit 143 partes et 34 minuta secundum partes quibus circulus qui describitur circa triangulum DRK ortogonium est 360 partes, et arcus qui est super lineam DK erit quod remanet ad complendum semicirculum, et est 36 partes et 26 minuta. Et propter illud erit linea RK una duarum linearum que subtenduntur eis 113 partes et 59 minuta secundum partes quibus diameter RD est 120 partes, et erit linea DK secundum istas partes 37 partes et 31 minuta. Ergo secundum partes quibus linea DR est due partes et 45 minuta et linea DB, que est a centro orbis egredientis centri, est 60 partes erit linea RK due partes et 37 minuta et linea DK secundum istud exemplum 52 minuta, et erit linea KB reliqua secundum istas partes 59 partes et octo minuta. Et propter illud erit chorda RB secundum istas partes 59 partes et 12 minuta. Quapropter secundum partes quibus linea RB est 120 partes erit linea RK 5 partes et 18 minuta et arcus qui est super eam quinque partes et quatuor minuta secundum partes quibus circulus qui describitur circa triangulum BRK ortogonium est 360 partes. Angulus igitur RBD erit quinque partes et quatuor minuta secundum partes quibus duo anguli recti sunt 360 partes, et angulus ARB totus, et est ille qui comprehendit motum equalem in longitudine, erit secundum istas partes 148 partes et 38 minuta et secundum partes quibus quatuor anguli recti sunt 360 partes 74 partes et 19 minuta. Et quia angulus HBT cum angulo BRA, quando aggregatur, est equalis duobus angulis semicirculi cum angulo AEL, et cum minuitur ex eis in hoc loco angulus ARB, provenit angulus HBT, et est ille qui comprehendit cursum stelle a longitudine longiore in orbe revolutionis, erit ipse secundum istas partes 77 partes et duo minuta. Iam ergo manifestum est nobis quod in hora illius considerationis quam narravimus fuit longitudo stelle Iovis, cum aspexerint in ea per cursum suum medium, in longitudine 285 partes et 41 minuta a longitudine longiore et fuit in illa hora in orbe egredientis centri, scilicet eius locus fuit per motum eius medium super 22 partes et 54 minuta Geminorum, et fuit locus eius in diversitate super 77 partes et duo minuta a longitudine longiore in orbe revolutionis. Nos autem iam ostendimus quod eius longitudo fuit in hora habi