in iis excentricis habeant centra sua, quorum sunt illa centra ad que circumducti equaliter ad successionem equales in temporibus equalibus angulos intercipiunt, sed maxime longitudines excentricorum quoque circulorum parvum quendam ad successionem punctorum solstitialium progressum facere equalem rursus et quasi ad zodiaci centrum tantumque ferme in singulis quinque quantum sphera fixarum facere reperitur, hoc est gradum unum in centum annis, quantum ex presentibus conspicere possumus, centra etiam epicyclorum in circulis ferri qui equales quidem facientibus inequalitatem excentricis sunt, sed non in eisdem centris descripti, descripti] corr. ex descipti G sed in ceteris quidem in centris que dividunt equaliter lineas que sunt inter centra illorum et zodiaci, in solo autem Mercurio in centro quod tantum distat a circumducto centro, quantum et ipsum a faciente inequalitatem centro quasi versus maximam longitudinem distat, et hoc a centro ubi visus esse supponitur. In hac enim etiam stella solum modo, sicut etiam in Luna, invenimus excentricum quoque circulum circumduci a predicto centro contra epicyclum in precedentia rursus unam in anno revolutionem, quoniam ipsa quoque bis in una revolutione proxima terre fieri cernitur, veluti et Luna bis in mense uno.

〈IX.6〉 Capitulum VI: De modo et differentia suppositionum

Sed modus iste suppositionum que propter predicta colliguntur, sic intellectu facilior erit. Intelligatur enim in suppositione quidem ceterorum primum ABG circulus excentricus cuius centrum D, et diameter per D atque per zodiaci centrum sit ADG, in qua centrum zodiaci, hoc est cernentium visus, sit E punctum, quod faciat, ut A quidem maxima sit a terra longitudo, G vero minima, et equaliter divisa linea DE in puncto F, centro F et spatio equali DA describatur circulus ITC circulo ABG equalis, deinde centro T describatur LM epicyclus, et coniungatur LTMD.

Primum igitur supponamus excentricorum superficiem circulorum obliquam esse ad superficiem circuli per medium signorum et similiter superficiem epicycli ad superficiem excentricorum propter motum stellarum secundum latitudinem, ut loco suo demonstrabimus, et tamen quantum ad motus longitudinis gratia facilitatis in una omnes zodiaci superficie sitas esse, nulla differentia de qua curandum sit penes tantas declinationes quante in singulis perspicientur futura. Deinde totam quidem superficiem equaliter ad successionem signorum circa E centrum dicimus circumduci, traducereque maximam et minimam longitudinem uno gradu