AT, habebimus huius quoque longitudinem 33 18′ earundem. Quare qualium AT que rectum subtendit 120, talium LT quoque erit 4 52′ et TAL angulus remotionis secundum latitudinem talium 4 40′ qualium duo recti sunt 360, qualium vero quatuor recti sunt 360, talium 2 20′, quos gradus in quarto tabule ordine ad numerum graduum 135 apponemus.

Sed si collationis rursum additionis subtractionisve secundum longitudinem causa sine declinationibus figuram in minima distantia, ubi maxime sensibilis differentia fit, descripserimus, colligitur proportio linee AG ad utranque linearum GC et CT sicut 54 ad 27 56′, idque circo AC linea 26 4′ reliquarum erit, et AT que rectum angulum subtendit 38 12′ earundem, et propterea qualium est AT que rectum subtendit 120, talium rursum TC colligitur 87 45′, et TCA additionis subtractionisve secundum longitudinem angulus talium 94, qualium duo recti sunt 360, qualium vero quatuor recti sunt 360, talium 47, totidem vero demonstratus ex proportionibus etiam declinationum fuit. Additio ergo subtractiove secundum longitudine nullam in Marte propter declinationes differentiam habuit.

Quarti autem duum duum] corr. ex durum G Veneris atque Mercurii tabularum ordines latitudinales continent motus qui a maximis ipsorum epicyclorum oblicationibus que in extremis excentricorum longitudinibus fiunt continentur. Quos motus per se absque differentia que fit propter excentricorum declinationes consideravimus. Plurimis enim illo modo tabulis opus nobis fuisset, computationisque calculus multo difficilior inde fieret, cum vespertini matutinique motus inequales nec omnino ad easdem circuli per medium partes fiant, nec alioquin excentricorum declinatio maneat, unde diminutionum excessus ad maximas inclinationes differentiam ab excessibus diminutionum ad maximas obliquationes essent habituri. Differentia vero separata, facilius singula nobis procedent, ut a sequentibus patebit.

Sit ergo AB linea superficierum circuli per medium et epicicli communis sectio, et sit B centrum epicycli, describaturque circa ipsum epicyclus GDEFI obliquus ad superficiem circuli per medium, hoc est ut ducte in ipsis linee perpendiculariter ad GI communem sectionem equales equales] corr. ex quales G faciant omnes angulos qui in ipsius GI linee punctis constituuntur, et protrahantur E quidem linea ad epicycli contactum, linea vero AFD, sic ut secet epicyclum sicuti contigerit et deducantur