epicycli fit progressus et regressus ita dividit, ut cum stella in ipso sit stare videatur, sive per suppositionem excentricitatis inequalitas Solis accidat, que suppositio suppositio] post corr. G in reliquis etiam tribus stellis solummodo que per omnem a Sole distantiam distant procedere potest, si centrum excentrici circa circa] post corr. G centrum zodiaci ad successionem signorum equaliter Soli moveatur et stella in excentrico circa centrum ipsius ad precedentia signorum inequalitatis motui equaliter, producaturque in excentrico circulo huiusmodi a zodiaci centro, hoc est a visu nostro, linea huiusmodi, ut medietas totius linee ad minorem partem earum partium que a visu fiunt eam proportionem habeat quam habet velocitas excentrici ad stelle velocitatem, quando in illo puncto fuerit stella ubi linea minime longitudinis arcum secat, tunc standi phantasiam faciet. Sed nos et brevius et facilius propositum demonstrabimus, utemur autem communi permixtaque de utrisque suppositionibus demonstratione, ut etiam hinc similitudo et convenientia utrarunque rationum confirmetur.

Sit ergo epicyclus ABGD cuius centrum E, et diameter EG, hec usque ad F centrum zodiaci, hoc est ad visum nostrum, producatur, interceptisque ex utraque parte G minime longitudinis puncti equalibus arcubus GI et GT, protrahantur a puncto F per I et T puncta FIB et FTD linee, et coniungantur DI et BT linee secantes seipsas in puncto C, quod videlicet in AG diametro erit. Dico igitur primum quod AF linea sic se habet ad lineam FG, sicut AC linea ad lineam CG. Coniungantur enim AD et DG linee, et ducatur per punctum G linea LGM equidistans linee AD AD] post corr. G, hec, quoniam ADG angulus rectus est, perpendicularis erit ad lineam DG. Quoniam igitur angulus GDI equalis est angulo GDT, erit etiam linea GL equalis linee GM. Quare AD linea eandem habebit ad utranque proportionem, sed sicut se habet AD linea ad lineam GM, sic se habet etiam AF ad FG, et sicut se habet AD ad LG, sic se habet AC ad CG, sicut ergo AF ad FG, sic AC ad CG. Si ergo circulum ABGD in suppositione excentricitatis ipsum excentricum esse intellexerimus, erit C punctum zodiaci centrum et dividetur ab eo diameter AG in eandem proportionem suppositionis secundum epicyclum. Demonstravimus enim iam eam proportionem habere AC maximam in excentrico distantiam ad CG minimam quam habet in epicyclo AF maxima distantia ad FG minimam.

Dico etiam quod proportio DF linee ad lineam FT est proportio BC linee ad CT. Coniungatur enim in simili descriptione