fieri perspiciantur, vere autem coniunctiones atque oppositiones simul cum inequalitate utriusque luminarium capiantur, conabimur ostendere nullum errorem de quo curandum sit iuxta apparentia hinc accidere, etiam si omnino differentia excentrici circuli negligatur.

Sit igitur ABG excentricus Lune circulus cuius centrum D et diameter ADG in qua centrum zodiaci sit E, et oppositum D puncto sit F punctum declinationis, et intercepto ab A maxima longitudine arcu AB, describatur circa B epicyclus ITCL, et coniungantur BD et IBCE et BLF. Quoniam ergo duobus modis magnitudo inequalitatis que accidit propter epicycli in A maxima longitudine situm differentiam facere potest, vel quoniam propiquior terre factus maiorem angulum in E centro constituat, vel quoniam diameter in media longitudine maxima et in minima similiter non ad E centrum, sed ad F punctum flectatur, fuitque maxima propter primam causam differentia, quando etiam penes inequalitatem Lune maxima differentia est, propter secundam autem, autem] quoniam add. et del. A quando in maxima vel minima epicycli longitudine longitudine] est add. et del. A Luna est, patet quia, quando maxima differentia penes primam causam accidit, tunc que penes secundam fiebat insensibilis omnino est. Nam cum Luna in tangentibus epicyclum lineis sit, additionem subtractionemve valde indifferentem facit. Fieri autem potest ut oppositio vera coniunctiove utraque inequalitatis differentia utriusque luminarium a media differat, si altera subtrahitur altera additur. Quando vero differentia que propter declinationem accidit maxima est, tunc contra differentia que penes primam causam provenit insensibilis est. Nulla enim inequalitatis vel brevis omnino differentia fit, quando Luna in maxima vel minima epicycli longitudine invenitur. Sed oppositio vera coniunctiove sola differentia que penes solarem inequalitatem capitur a media differet. Supponatur igitur 2 23′ maxime differentie gradus Solem addere, Lunam vero primum etiam ipsam 5 1′ maxime differentie gradus gradus] Solem addere Lunam vero primum etiam add. et del. A subtrahere, ut angulus EB ad utriusque differentie 7 24′ duplices gradus 14 48′ contineat, productaque ab E puncto linea ET que epicyclum tangat, trahatur perpendicularis BT, et similiter a puncto D ad lineam BE perpendicularis DM deducatur. Quoniam ergo angulus EB talium est 14 48′ qualium quatuor recti sunt 360, qualium vero duo recti sunt 360, talium 29 36′, erit profecto etiam arcus DM talium 29 36′ qualium est circulus qui DEM rectangulo circumscribitur 360. Arcus vero EM reliquorum ad semicirculum 150 24′. Corde igitur etiam sue DM quidem talium erit 30 31′ qualium est