talium erit 24 14′ qualium duo recti sunt 360 et reliquus BDM 155 46′ earundem, totus autem BDE 216 26′ similium, et reliquus rursum BDF 143 34′ earundem. Quare arcus etiam linee FC talium erit 143 34′ qualium est circulus qui FDC rectangulo circumscribitur 360, arcus vero linee DC 36 26′ ad semicirculum reliquorum. Quapropter corde quoque sue FC quidem talium 113 59′ qualium est DF que rectum angulum subtendit 120, DC autem 37 31′ earundem. Qualium igitur est DF linea 2 45′ et DB excentrici semidiameter 60, talium etiam erit CF 2 37′ et DC 0 52′ et reliqua CB 59 8′, et propterea etiam FB que rectum angulum subtendit 59 12′ earundem. Quare qualium est FB que rectum subtendit 120, talium etiam FC erit 5 18′ et arcus suus talium 5 4′ qualium est circulus qui BFC rectangulo circumscribitur 360. Quare angulus quoque FBD talium est 5 4′ qualium duo recti sunt 360, totus vero AFB quo motus longitudinis medius continetur earundem 148 38′ erit, qualium vero quatuor recti sunt 360, talium 74 19′. Verum quoniam, si angulus IBT compositus fuerit cum angulo BFG et semicirculo simul, hoc est si ab eo subtractus fuerit angulus DFB facit angulum IBT quo motus stelle a maxima epicycli longitudine continetur 77 2′ earundem, demonstratum itaque nobis est quod in tempore observationis proposite stelle stelle] post corr. G Iovis medie moveri considerata distabat per longitudinem a maxima excentrici longitudine gradibus 285 41′, obtinebatque medie 22 54 gradus Geminorum, inequalitatis autem a maxima epicycli longitudine 77 2′, fuitque nobis etiam demonstratum quod in tempore tertie oppositionis distabat ab eadem epicycli longitudine gradibus 182 47′. Addidit ergo in tempore quod inter duas fuit observationes, hoc est in annis egyptiacis 377 et diebus 128 una proxime hora minus, post 345 integros inequalitatis circulos gradibus 105 45′, quot nobis ferme post integros circulos per tabulas mediorum motuum iam expositas colliguntur, propterea quod ab istis diurnum constituimus motum ex partitione multitudinis graduum que ex circulis resolutis et additis gradibus congregatur per multitudinem dierum qui ex omni tempore colliguntur.

〈XI.4〉 Capitulum IIII : De locis periodicorum motuum Iovis

Quoniam igitur hic rursum a primo Nabonassari anno secundum Egyptios die prima in meridie usque ad priscam observationem quam exposuimus anni egyptiaci sunt 506 et dies 316 45′ proxime, quod tempus continet post inte-